రాష్ట్రీయం
ఇస్రోకు ద్రవ హైడ్రోజన్
S ,7 à 8 RSCA (si SASPAS) et 6 cialis pharmacie cialis rapports de stage.
సత్యవేడు/తడ, మే 22: నెల్లూరు, చిత్తూరు జిల్లాల సరిహద్దుల్లో నెలకొల్పిన శ్రీసిటిలోని విఆర్‌వి ఆసియా పసిఫిక్ ఉత్పత్తి కర్మాగారంలో తయారైన దేశంలోనే అతిపెద్ద ద్రవహైడ్రోజన్ నిల్వ ట్యాంకును భారతీయ అంతరిక్ష పరిశోధన సంస్థ ఇస్రో అధ్యక్షులు డాక్టర్ కె శివ లాంచనంగా స్వీకరించారు. బుధవారం వీఆర్వీ పరిశ్రమ ఆవరణలో జరిగిన కార్యక్రమంలో ఇస్రోకు చెందిన ఉన్నతాధికారుల సమక్షంలో డాక్టర్ శివన్ ట్యాంకు రవాణా వాహనానికి లాంఛనంగా పచ్చజెండా ఊపారు. ఈ ట్యాంకును శ్రీహరికోట షార్ కేంద్రానికి తరలించారు. రాకెట్ కేంద్రంలో ద్రవ హైడ్రోజన్ ఇంధనాన్ని నిల్వ చేయడానికి ఉపయోగిస్తారు. ఈ సందర్భంగా వీ ఆర్వీ మేనేజింగ్ డైరెక్టర్ ఇఎల్ రంగన్‌కేర్ , డాక్టర్ శివన్, ఇతర సీనియర్ అధికారులకు స్వాగతం పలికారు. శ్రీసిటి తరపున శ్రీసిటి ఫౌండేషన్ అధ్యక్షులు రమేష్ సుబ్రమణ్యం, డాక్టర్ శివన్‌కు శుభాకాంక్షలు తెలిపారు. ట్యాంకు సాంకేతిక వివరాలు, దాని తయారీ గురించి సవివరంగా వివరిస్తూ తమకు పూర్తి సహకారం అందించిన ఇస్రో ఇంజనీర్లకు రంగన్‌కేర్ ధన్యవాదాలు తెలిపారు. ఈ సందర్భంగా శివన్ మాట్లాడుతూ ద్రవ హైడ్రోజన్ నిల్వ ట్యాంకును పూర్తిగా భారతదేశ పరిజ్ఞానంతో రూపొందించి ఇస్రోకు అందించినందుకు వీఆర్వీ ఆసియా పబ్లిక్ బృందాలను అభినందించారు. రాకెట్లలో ఉపయోగించే ట్యాంకర్ తయారీ చేపట్టడానికి ముందుకు రావల్సిందిగా ఆయన వీ ఆర్వీ అధికారులకు సూచించారు. షార్ డైరెక్టర్ ఎస్ పాండియన్ మాట్లాడుతూ మేక్ ఇన్ ఇండియాలో భాగంగా ఇస్రో ఇండస్ట్రీ పరస్పర సహకారానికి ఒక మంచి ఉదాహరణగా ఈ కార్యక్రమం పరిగణించొచ్చన్నారు. షార్ ఇంజనీర్ల సహాయ సహకారాలతో లిక్విడ్ నత్రజని షీల్డు గల ఈ ద్రవ హైడ్రోన్ నిల్వ ట్యాంకును పీ ఆర్వీ పరిశ్రమ తయారు చేసింది. దీని నిల్వ సామర్ధ్యం 120 కిలో లీటర్లు. ఉపగ్రహ ప్రయోగ వాహనాల్లో ద్రవ హైడ్రోన్‌ను ఇంధనంగా ఉపయోగిస్తారు. చార్టు గ్రూపులో భాగమైన వీ ఆర్వీసి ఆసియా పసిఫిక్ ప్రైవేట్ లిమిటెడ్ సంస్థ శ్రీసిటిలో నెలకొల్పిన క్రయోజనిక్ సామగ్రిని రూపొందించి తయారు చేస్తుందన్నారు. 30 ఎకరాల స్థలంలో ఉన్న ఈ కర్మాగారం 10వేల చదరపు మీట్ల విస్తీర్ణం కలిగి వుందని తెలిపారు.
చిత్రాలు.. ట్యాంక్ రవాణాకు జెండా ఊపుతున్న డాక్టర్ శివన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.