రాష్ట్రీయం
రాష్ట్ర రాజకీయాలను ప్రక్షాళన చేస్తా
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మే 25: అన్యాయాలు చేస్తే దేవుడు ఎలా మొట్టికాయలు వేస్తాడన్న సంగతి టీడీపీ అధినేత చంద్రబాబునాయుడి ఉదంతం చూస్తే తెలుస్తుందని వైకాపా అధ్యక్షుడు జగన్‌మోహన్‌రెడ్డి వ్యాఖ్యానించారు. రాష్ట్ర రాజకీయాలను ప్రక్షాళన చేస్తానని, 2024లో మరింత గొప్ప తీర్పు రావాలంటూ ఎమ్మెల్యేలకు దిశానిర్దేశం చేశారు. తాడేపల్లిలోని ఆయన నివాసంలో శనివారం వైకాపా శాసభసభా పక్ష నేతగా ఎన్నికైన అనంతరం జగన్ మాట్లాడుతూ వైకాపాను ప్రలోభపెట్టి అన్యాయంగా, అధర్మంగా 23 మంది ఎమ్మెల్యేలను, ముగ్గురు ఎంపీలను కొనుగోలు చేస్తే, మే 23న చివరికి టీడీపీకి 23 ఎమ్మెల్యేల సీట్లు, మూడు ఎంపీ సీట్లు మాత్రమే వచ్చాయని వ్యాఖ్యానించారు. ఇంత గొప్ప స్క్రిప్ట్ ఎప్పుడూ కూడా ఉండదని, దేవుడు అంత గొప్పగా రాశారన్నారు.
175 నియోజకవర్గాల్లో 151, 25 ఎంపీ స్థానాల్లో 22స్థానాల్లో స్వీప్ చేయగలగడం, 50 శాతం ఓటింగ్ వైకాపాకు రావడం చరిత్రలో సువర్ణాక్షరాలతో లిఖించదగ్గ అధ్యాయమన్నారు. ప్రజలు వైకాపాపై ఎంతో నమ్మకం, విశ్వాసం పెట్టుకున్నారన్నారు. విశ్వసనీయత అన్న పదానికి ఓటేశారన్నారు. ప్రజలు గొప్ప బాధ్యతను మన భుజాలపై మోపిన విషయాన్ని ప్రతి ఒక్కరూ గుర్తు పెట్టుకోవాలన్నారు. 2019 అయిపోయిందని, ఇక 2024 ఎన్నికలు లక్ష్యం కావాలన్నారు. మనం చేసిన పనుల వల్ల ఇంతకన్నా గొప్ప తీర్పు 2024లో రావాలన్న ఆకాంక్ష వ్యక్తం చేశారు. రాబోయే రోజుల్లో రాష్ట్ర రాజకీయాలను ఎవ్వరూ చూడని రీతిలో ప్రక్షాళన చేస్తానన్నారు. దీనికి ఎమ్మెల్యేలు సహాయం, సహకారం అందించాలని విజ్ఞప్తి చేశారు. గడచిన 9 ఏళ్ల కాలంలో ప్రజలకు ప్రతి అడుగులోనూ, ప్రతి నిమిషం ఎప్పుడు ఏ కష్టం వచ్చినా, అక్కడ వైకాపా కనిపించిందన్నారు. ఏ సమస్య వచ్చినా తాను అక్కడకు వెళ్లి పోరాటం చేశానని, చేసిన ప్రతి కార్యక్రమం ప్రజల మన్ననలు చూరగొందన్నారు. ఫలితంగానే నేడు అధికారంలోకి వచ్చామన్నారు. ప్రతి గ్రామంలోనూ ప్రతి కార్యకర్తతో సహా నాయకులంతా తోడుగా ఉండటం వల్ల మనకు ఈ గొప్ప గెలుపు వచ్చిందన్నారు. ఆరు నెలలు తిరిగే సరికి మంచి ముఖ్యమంత్రిని అనిపించుకునేలా పాలన సాగిస్తామని హామీ ఇచ్చారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.