రాష్ట్రీయం
షార్‌కు చేరిన ఉపగ్రహం
S ,7 à 8 RSCA (si SASPAS) et 6 cialis pharmacie cialis rapports de stage.
సూళ్లూరుపేట, ఏప్రిల్ 11: భారత అంతరిక్ష పరిశోధన సంస్థ (ఇస్రో) మరో నావిగేషన్ సేవలకు సంబంధించిన ఉపగ్రహ ప్రయోగానికి సన్నాహం చేస్తోంది. నెల్లూరు జిల్లాలోని భారత అంతరిక్ష ప్రయోగ కేంద్రం సతీశ్ ధావన్ స్పేస్ సెంటర్ (షార్) కేంద్రం నుండి ఈ నెల 28న పిఎస్‌ఎల్‌వి-సి 33 రాకెట్ ప్రయోగం జరగనుంది. ఈ రాకెట్ ద్వారా కక్ష్యలోకి ప్రవేశపెట్టే ఐఆర్‌ఎన్‌ఎస్‌ఎస్-1జి ఉపగ్రహం బెంగళూరులోని ఉపగ్రహ తయారీ కేంద్రం నుండి రోడ్డు మార్గాన అత్యంత భారీ భద్రత నడుమ సోమవారం షార్‌కు చేరింది. నావిగేషన్ సిరీస్‌లో ఇది చివరి ప్రయోగం. ఇప్పటి వరకు ఇస్రో ఆరు ప్రయోగాలు విజయవంతంగా చేపట్టింది. షార్‌లోని మొదటి ప్రయోగ వేదిక నుండి ఈ నెల 28న మధ్యాహ్నం 12:59 గంటలకు 1425 కిలోల బరువు గల ఈ ఉపగ్రహాన్ని పిఎస్‌ఎల్‌వి రాకెట్ ద్వారా నిర్దేశిత కక్ష్యలోకి ప్రవేశపెట్టనున్నారు. ఈ ప్రయోగం విజయవంతమైతే జిపిఎస్ సేవలు పూర్తిస్థాయిలో అందుబాటులోకి రానున్నాయి. ఇప్పటికే కక్ష్యలోకి పంపించిన ఆరు ఉపగ్రహాలు తన సేవలను అందిస్తున్నాయి. ఇప్పటికే రాకెట్ తొలి దశ అనుసంధాన పనులను శాస్తవ్రేత్తలు పూర్తిచేసి రెండో దశలో పనుల్లో నిమగ్నమై ఉన్నారు. మూడో అనుసంధాన పనులు పూర్తయినంతరం ఉపగ్రహానికి వివిధ పరీక్షలు నిర్వహించి రాకెట్ చివరి భాగంలో అమర్చి ప్రయోగానికి సిద్ధం చేస్తారు. ఈ ప్రయోగానికి సంబంధించిన చివరి మిషన్ రెడీనెస్ రివ్యూ సమావేశం ఈ నెల 25న డాక్టర్ సురేశ్ అధ్యక్షతన షార్‌లో జరగనుంది. ఎంఆర్‌ఆర్ అనంతరం అదేరోజు లాంచింగ్ ఆథరైజేషన్ బోర్డు వారు సమావేశమై ప్రయోగానికి సంసిద్ధత తెలపనున్నారు. అన్ని సజావుగా సాగి వాతావరణం అనుకూలిస్తే ఈ నెల 28న మధ్యాహ్నం 12:59 గంటలకు షార్‌లోని మొదటి ప్రయోగ వేదిక నుండి పిఎస్‌ఎల్‌వి-సి 33 రాకెట్ నింగిలోకి దూసుకెళ్లనుంది.
చిత్రం భారీ భద్రత నడుమ షార్‌కు వస్తున్న
ఐఆర్‌ఎన్‌ఎస్‌ఎస్ ఉపగ్రహం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.