రాష్ట్రీయం
అవినీతిపై ఉక్కుపాదం
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, జూన్ 4: అధికారంలోకి వచ్చిన వెనువెంటనే అవినీతి అక్రమాలపై ఉక్కుపాదం మోపేందుకు ముఖ్యమంత్రి వైఎస్ జగన్మోహన్రెడ్డి కసరత్తు ప్రారంభించారు. ప్రమాణ స్వీకారం సందర్భంగా అవినీతి నిర్మూలనే తక్షణ కర్తవ్యమని, ప్రస్తుతం అమలులో ఉన్న టెండర్ల ప్రక్రియకు స్వస్తిచెప్పి రివర్స్ టెండరింగ్ విధానాన్ని తెస్తామని జగన్ ప్రకటించిన విషయం తెలిసిందే. టెండర్ల ఖరారుకు జ్యుడీషియల్ కమిషన్ ఏర్పాటు చేస్తామని కూడా వెల్లడించారు. ఇందులో భాగంగా మంగళ వారం ఉండవల్లిలో హైకోర్టు తాత్కాలిక ప్రధాన న్యాయమూర్తి ప్రవీణ్ కుమార్‌తో భేటీ అయ్యారు. ముఖ్యమంత్రిగా బాధ్యతలు స్వీకరించిన అనంతరం తొలిసారిగా సీజెను మర్యాదపూర్వకంగా కలుసుకోవటంతో పాటు కాంట్రాక్ట్ పనుల్లో జరుగుతున్న అక్రమాలను నియంత్రించేందుకు జ్యుడీషియల్ కమిషన్ ఏర్పాటుపై చర్చించారు. ఇందుకోసం హైకోర్టు న్యాయమూర్తి ఒకరిని నియమించాలని కోరారు. హైకోర్టు న్యాయమూర్తి పర్యవేక్షణలో ఏర్పాటు కానున్న జ్యుడీషియల్ కమిషన్‌కు ప్రభుత్వ పనులకు సంబంధించిన వివరాలను అంచనాలతో సహా అందజేస్తారు. కమిషన్ వాటిని పరిశీలించి అంచనాల్లో ఏవైనా సవరణలు ఉంటే సూచిస్తుంది. అనంతరం టెండర్ల ప్రక్రియను ప్రారంభిస్తారు. ఈ రకమైన విధానం దేశంలోనే తొలిసారి. ప్రస్తుతం పోలవరం, రాజధాని నిర్మాణంతో పాటు రహదార్లు, ఇతర భారీ నీటిపారుదల ప్రాజెక్టులు, గ్రామాల్లో వౌలిక వనరుల అభివృద్ధికి సంబంధించిన పనులు జరుగుతున్నాయి. వేల కోట్ల రూపాయల్లో జరుగుతున్న ఈ పనులపై పర్యవేక్షణ లేకపోవటంతో కాంట్రాక్టర్లతో పాటు కొందరు అధికారులు ఇష్టారాజ్యంగా వ్యవహరిస్తున్నారనే అభియోగాలు గత ప్రభుత్వ హయాంలో వచ్చాయి. వీటిని కట్టడి చేయటం ద్వారా పారదర్శకంగా పనులు, నిర్మాణాలు చేపట్టాలని సీఎం జగన్ నిర్ణయించారు. ఇందులో భాగంగా ఏసీజేతో భేటీ అయ్యారు.
చిత్రం... హైకోర్టు తాత్కాలిక ప్రధాన న్యాయమూర్తి ప్రవీణ్‌కుమార్‌తో సమావేశమైన ముఖ్యమంత్రి జగన్మోహన్రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.