రాష్ట్రీయం
ఇంజనీరింగ్‌లో 74.39% ఉత్తీర్ణత
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూన్ 4: ఎట్టకేలకు ఏపీ ఎంసెట్ ఫలితాలను మంగళవారం విడుదల చేశారు. గుంటూరు జిల్లా తాడేపల్లిలోని రాష్ట్ర ఉన్నత విద్యా మండలి కార్యాలయంలో జరిగిన కార్యక్రమంలో ఉన్నత విద్యా శాఖ ముఖ్య కార్యదర్శి కే. దమయంతి, ఉన్నత విద్యా మండలి చైర్మన్ విజయరాజు, ఎంసెట్ కన్వీనర్ సాయిబాబు, కమిటీ చైర్మన్, జేఎన్‌టీయు(కె) వైస్ చాన్సలర్ రామలింగరాజు ఫలితాలను విడుదల చేశారు. ఈ ఏడాది ఏప్రిల్ 20 నుంచి 24 వరకూ జేఎన్‌టీయు(కె) ఆధ్వర్యంలో ఎంసెట్-2019ను నిర్వహించడం తెలిసిందే. తెలంగాణ ఇంటర్మీడియట్ ఫలితాల వెల్లడిలో చోటు చేసుకున్న గందరగోళం కారణంగా ఏపీ ఎంసెట్ ఫలితాల వెల్లడిలో తీవ్ర జాప్యం జరిగింది. ఫలితాల వెల్లడిలో జాప్యంపై విమర్శలు చోటు చేసుకుంటన్న నేపథ్యంలో హడావుడిగా మంగళవారం ఏర్పాటు చేసిన కార్యక్రమంలో విడుదల చేశారు. ఫలితాలకు సంబంధించిన వివరాల గురించి మీడియాకు విజయరాజు వివరించారు. వరుసగా మూడోసారి పూర్తిగా ఆన్‌లైన్‌లో పరీక్ష విజయవంతంగా నిర్వహించామని తెలిపారు. 40 మార్కులను కనీస అర్హత మార్కులుగా పరిగణించామన్నారు. ర్యాంక్ నిర్ధారించేందుకు ఎంసెట్ మార్కులను 75 శాతం వెయిటేజీగా, ఇంటర్ మార్కులను 25 శాతం వెయిటేజీగా తీసుకున్నామని వెల్లడించారు. ఇంజనీరింగ్ విభాగానికి సంబంధించి 1.95 లక్షల మంది దరఖాస్తు చేయగా, 1.85 లక్షల మంది పరీక్షకు హాజరయ్యారన్నారు. 1,38,160 మంది అర్హత సాధించారని, 74.39 శాతం మేర అర్హత సాధించినా, 1,22,188 మందికి మాత్రమే ర్యాంక్‌లను కేటాయించారు. ఎంసెట్‌లో ఉత్తీర్ణులైనప్పటికీ, ఇంటర్‌లో ఉత్తీర్ణులు
కాని వారు 12,874 మంది ఉన్నారు. ఇంజనీరింగ్‌లో 82,088 మంది బాలురు, 56,072 మంది బాలికలు అర్హత సాధించారు.
అగ్రికల్చర్ అండ్ మెడిసిన్ విభాగానికి సంబంధించి 86,986 మంది దరఖాస్తు చేయగా 81,916 మంది పరీక్ష రాశారు. వీరిలో 68,512 మంది అర్హత సాధించారు. 83.64 శాతం మేర అర్హత సాధించారు. ఎంసెట్‌లో అర్హత సాధించినప్పటికీ, ఇంటర్‌లో ఉత్తీర్ణులు కాని వారు 3152 మంది ఉన్నారు. ఈ విభాగంలో 22,946 మంది బాలురు, 45,566 మంది బాలికలు అర్హత సాధించారు. ఇతర బోర్డుల నుంచి ఎంసెట్ ఇంజనీరింగ్‌కు 3067 మంది, అగ్రికల్చర్ అండ్ మెడిసిన్‌కు 2153 మంది హాజరయ్యారు. కానీ ఇంటర్ మార్కులు అందచేయకపోవడం వల్ల వారికి ర్యాంక్‌లు కేటాయించలేదు. ఫలితాలు విడుదలైన తరువాత దరఖాస్తులో పేర్కొన్న మొబైల్, ఈమెయిల్‌కు ర్యాంక్‌ల వివరాలు పంపామని తెలిపారు. జూన్ 10 నుంచి ర్యాంక్ కార్డులు డౌన్‌లోడ్ చేసుకోవచ్చని తెలిపారు. విద్యార్థుల ఆన్‌లైన్ జవాబుపత్రాలను ఆయా అభ్యర్థుల మెయిల్‌కు పంపామని తెలిపారు. త్వరలోనే ప్రవేశాలకు సంబంధించి షెడ్యూల్ విడుదల చేస్తామని తెలిపారు.
261 అభ్యంతరాలు
ఎంసెట్‌లో వివిధ సబ్జెక్టుల ప్రశ్నలు, సమాధానాలపై 261 అభ్యంతరాలు వచ్చాయి. గణితంలో 82, ఫిజిక్స్‌లో 66, కెమిస్ట్రీలో 59, బాటనీలో 38, జువాలజీలో 16 అభ్యంతరాలు వచ్చాయి. ఇంజనీరింగ్ విభాగంలో ఏడు సెషన్స్‌కు సంబంధించి 139 ప్రశ్నలకు నిపుణుల సలహా మేరకు 10 ప్రశ్నలకు ఆప్షన్ మార్పు చేయగా, 10 ప్రశ్నలకు మల్టిపుల్ ఆప్షన్ ఇచ్చారు. అగ్రికల్చర్ అండ్ మెడికల్ విభాగంలో మూడు సెషన్స్‌కు సంబంధించి 41 ప్రశ్నలకు నిపుణుల సూచన మేరకు 3 ప్రశ్నలకు ఆప్షన్లు మార్పు చేయగా, ఒక ప్రశ్నకు మల్టిపుల్ ఆప్షన్ ఇచ్చారు.
చిత్రం... ఏపీ ఎంసెట్ ఫలితాలు విడుదల చేస్తున్న ఉన్నత విద్యాశాఖ ముఖ్య కార్యదర్శి కే దమయంతి తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.