రాష్ట్రీయం
డిసెంబర్ 31 నాటికి కనకదుర్గ ఫ్లైఓవర్ పూర్తి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూన్ 16: కనకదుర్గ ఫ్లైఓవర్ పనులు డిసెంబర్ 31 నాటికి పూర్తి చేసే విధంగా కాంట్రాక్ట్ సంస్థకు గడువు విధించామని రోడ్లు, భవనాల శాఖ మంత్రి ధర్మాన కృష్ణదాస్ చెప్పారు. ఆదివారం ఉదయం దేవాదాయ శాఖ మంత్రి వెలంపల్లి శ్రీనివాసరావు, ఎమ్మెల్యే మల్లాది విష్ణు, ఉన్నతాధికారులతో కలిసి రోడ్లు, భవనాల శాఖ మంత్రి ధర్మాన కృష్ణదాస్ కనకదుర్గ ఫ్లైఓవర్ పనుల పురోగతిని మున్సిపల్ ఆఫీస్ నుంచి భవానీపురం వరకు పరిశీలించారు. అనంతరం ఫ్లైఓవర్‌పై విలేఖర్లతో మాట్లాడుతూ కనకదుర్గ ఫ్లైఓవర్ విజయవాడ - హైదరాబాద్ మార్గంలో ప్రయాణించే ప్రజలకు అత్యంత
ప్రాధాన్యతతో కూడుకున్నదన్నారు. అందుకే ముఖ్యమంత్రి వైఎస్ జగన్మోహన్‌రెడ్డి ఫ్లైఓవర్‌ను త్వరితగతిన పూర్తి చేయడానికి కృషి చేయాలని ఆదేశించారన్నారు. ఆ నేపధ్యంలో డిసెంబర్ 31కి ఫ్లైఓవర్ పనులు పూర్తి చేయాలని కాంట్రాక్ట్ సంస్థకు ఆదేశాలిచ్చామన్నారు. దేవాదాయ శాఖ మంత్రి వెలంపల్లి శ్రీనివాసరావు మాట్లాడుతూ గత ప్రభుత్వానికి చిత్తశుద్ధి లేకపోవటంతో ఫ్లైఓవర్ పనులు నత్తనడకన నడిచాయన్నారు. స్థానికంగా ఉన్న నాయకులు తొడలు కొట్టారు కాని ఆచరణలో పనులు చేయలేదన్నారు. రోడ్లు, భవనాల శాఖ ముఖ్య కార్యదర్శి ఎంటీ కృష్ణబాబు మాట్లాడుతూ 85 శాతం ఫ్లైఓవర్ పనులు పూర్తి అయ్యాయని, టెండర్లలో మూడున్నర సంవత్సరాలు అని ఇచ్చినా ఏడాది కాలంలో పూర్తి చేయాలని సోమా కన్‌స్ట్రక్షన్ కంపెనీకి తక్కువకు కోట్ చేయడంతో ఆ కంపెనీకి కాంట్రాక్ట్ ఇవ్వడం జరిగిందన్నారు. వయాడక్ట్ కొత్త సాంకేతికతో కొత్త డిజైన్స్ వల్ల ఒక సంవత్సరం ఆలస్యమైందన్నారు. మూడు చోట్ల పిల్లర్స్ పనులు చేయాలంటే ఫ్లైఓవర్ వైపుగా వచ్చే ట్రాఫిక్‌ను ఆపాలన్నారు. దీనికి సంబంధించి కేంద్ర ప్రభుత్వం నుంచి ఇంకా రూ. 100 కోట్లు రావాల్సి ఉందని, పనులు చేయడానికి నిధులు సమస్యలేదన్నారు. ఫ్లైఓవర్ పనుల్లో జాప్యం వల్ల రూ. 25 కోట్లు అదనపు భారం పడిందన్నారు. కార్యక్రమంలో ప్రాజెక్ట్ ఎస్సీ జాన్‌మోషే, రోడ్లు, భవనాల శాఖ ఈఎస్‌సీ రాజీవ్‌రెడ్డి, కేంద్ర ప్రభుత్వ రీజనల్ రవాణా అధికారి ఎస్‌కే సింగ్ తదితరులు పాల్గొన్నారు.
చిత్రం... విజయవాడలోని దుర్గగుడి ఫ్లైఓవర్ పనులను పరిశీలిస్తున్న మంత్రుల ధర్మాన కృష్ణదాస్, వెలంపల్లి శ్రీనివాస్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.