రాష్ట్రీయం
ఆ కిరాతకుని తరఫున ఎవరూ వాదించొద్దు
S ,7 à 8 RSCA (si SASPAS) et 6 cialis pharmacie cialis rapports de stage.
వరంగల్: మానవ మృగంలా మారిన కిరాతకుడి చేతిలో అత్యాచారం, హత్యకు గురైన చిన్నారి శ్రీహిత మృతి పట్ల గురువారం కూడా ఆందోళనలు కొనసాగాయి. ఈ చర్యను అత్యంత హేయమైనదిగా ప్రకటిస్తూ వరంగల్ బార్ అసోసియేషన్ కార్యవర్గం అత్యవసరంగా సమావేశమైంది. ఇంతటి దారుణానికి ఒడిగట్టిన ప్రవీణ్ తరఫున ఎవరూ వాదించకూడదని బార్ అసోసియేషన్ అధ్యక్షుడు నర్సింహరావు, కార్యదర్శి వినోద్‌కుమార్‌తో పాటు కార్యవర్గ సమావేశం ఏకగ్రీవంగా తీర్మానించింది. శ్రీహితను హత్య చేసిన దుండగుడ్ని వెంటనే శిక్షించాలని కోరుతూ తెలంగాణ అర్బన్ ఏరియాస్ డెవలప్ మెంట్ ఫోరం ఆధ్వర్యంలో ఏకశిల పార్కు ముందు ఒకరోజు నిరాహార దీక్ష చేపట్టారు. ప్రస్తుతం జరుగుతున్న పార్లమెంటు సమావేశాల్లో ఈ దుశ్చర్యపై చర్చించి ఉన్న చట్టాలను కఠినంగా అమలు చేసే దిశగా చర్యలు తీసుకోవాలని డిమాండ్ చేశారు. తక్షణమే కోర్టు తీర్పును వెలువడే విధంగా ఫాస్ట్ ట్రాక్ కోర్టును ఏర్పాటు చేయాలని ఈ సందర్భంగా డిమాండ్ చేశారు. గతంలో వరంగల్ యాసిడ్ దాడి నిందితులను ఎన్‌కౌంటర్ చేసిన వరంగల్ పోలీసులు ఈ సంఘటన పట్ల ఎందుకు వౌనంగా ఉంటున్నారని ప్రశ్నించారు. కాగా సాయంత్రం ఏకశిల పార్కు నుండి కాగడాల ప్రదర్శన చేసి నిరసన వ్యక్తం చేశారు. ఇది ఇలా ఉండగా ఆల్ ఇండియా డెమోక్రటిక్ స్టూడెంట్స్ ఆర్గనైజేషన్ ఆధ్వర్యంలో వరంగల్ పాలిటెక్నిక్ కళాశాలల్లో సమావేశం జరిగింది. ఈ సందర్భంగా చిన్నారి మృతి పట్ల తీవ్ర సంతాపం వ్యక్తం చేసి మృతుడిని కఠినంగా శిక్షించాలని డిమాండ్ చేశారు. ఈ కార్యక్రమంలో రాష్ట్ర నాయకులు సత్యనారాయణ, జిల్లా నాయకులు ఉషాకిరణ్ పాల్గొన్నారు. బాధిత కుటుంబాన్ని రాష్ట్ర పంచాయతీ రాజ్ శాఖ మంత్రి ఎర్రబెల్లి దయాకర్‌రావు, వరంగల్ పశ్చిమ ఎమ్మెల్యే దాస్యం వినయ్‌భాస్కర్ వారి ఇంటికి వెళ్లి పరామర్శించారు. సంఘటన పట్ల మంత్రి దయాకర్‌రావు తీవ్రంగా స్పందించి నిందితుడి పట్ల కఠినంగా చర్య తీసుకోవాలని కోరారు. మరో వైపు విద్యార్థి సంఘాలు కూడా బైకులపై ర్యాలీ నిర్వహించి నిందితుడుని తక్షణమే ఉరి తీయాలని డిమాండ్ చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.