రాష్ట్రీయం
టెన్త్‌లో ఇంటర్నల్ అసెస్‌మెంట్ ఎత్తివేత
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూన్ 20: గుణాత్మక విద్యకు ప్రాధాన్యత కల్పించేందుకు వీలుగా విద్యా వ్యవస్థలో సమూల మార్పులు తీసుకురానున్నట్లు రాష్ట్ర విద్యా శాఖ మంత్రి ఆదిమూలపు సురేష్ వెల్లడించారు. టెన్త్‌లో 20 శాతం మార్కుల ఇంటర్నల్ అసెస్‌మెంట్‌ను ఎత్తివేస్తున్నట్లు ప్రకటించారు. వెలగపూడి సచివాలయంలో తన చాంబర్‌లోకి గురువారం లాంఛనంగా ప్రవేశించారు. అనంతరం మీడియాతో ఆయన మాట్లాడుతూ వచ్చే ఐదేళ్లలో విద్యా వ్యవస్థను సంస్కరించి ప్రభుత్వ పాఠశాలలను బలోపేతం చేస్తామన్నారు. ప్రభుత్వ పాఠశాలల్లో విద్యా ప్రమాణాలు పెంచడం సహా వసతులు, మధ్యాహ్న భోజనం పథకాన్ని మెరుగుపరుస్తామన్నారు. తెలుగు భాషతో పాటు ఇంగ్లీషుకు ప్రాధాన్యత ఇస్తామని తెలిపారు. ప్రైవేట్ పాఠశాలల్లో ఫీజులను నియంత్రిస్తామని స్పష్టం చేశారు. వీటన్నింటినీ అధ్యయనం చేసేందుకు వీలుగా కమిటీని నియమించామని, ఆ ఫైల్‌పై మొదటి సంతకం చేశానని వెల్లడించారు. చాలా కాలంగా పెండింగ్‌లో ఉన్న ఉపాధ్యాయుల పదోన్నతుల ఫైల్‌పై రెండో సంతకం చేశానని తెలిపారు. ఉపాధ్యాయుల స్థితిగతులను పరిశీలించి, పదోన్నతులకు మోక్షం కల్పిస్తామన్నారు. స్కూల్ అసిస్టెంట్ల నుంచి ప్రధానోపాధ్యాయుల వరకూ పదోన్నతులు ఇస్తామన్నారు. దీని వల్ల 19 వేల మందికి లబ్ధి కలుగుతుందని వెల్లడించారు. టెన్త్‌లో 20 శాతం మార్కుల ఇంటర్నల్ అసెస్‌మెంట్ మార్కుల విధానాన్ని ఎత్తివేస్తూ 3వ సంతకం చేశానని తెలిపారు. ఈ విధానం వల్ల ప్రైవేట్ పాఠశాలలు లబ్ధిపొందుతున్నట్లు తమ దృష్టికి వచ్చిందన్నారు. బడిబయట పిల్లలు రాజన్న బాట పట్టేలా చేస్తామని, ప్రభుత్వ పాఠశాలలను దేశానికే తలమానికంగా తీర్చిదిద్దుతానన్నారు.
తొలుత ప్రభుత్వ పాఠశాలల్లోనే అమ్మఒడి
అమ్మఒడి కార్యక్రమాన్ని వచ్చే ఏడాది జనవరి 26 నుంచి ప్రారంభిస్తామన్నారు. తొలుత ఈ పథకాన్ని ప్రభుత్వ పాఠశాలల్లోనే అమలు చేస్తామన్నారు. మేధోమథనం తరువాత ప్రైవేట్ పాఠశాలలకు వర్తింపు అంశంపై నిర్ణయం తీసుకుంటామని వెల్లడించారు. విద్యార్థుల డ్రాపౌట్‌లను తగ్గించేందుకు ఈ పథకం దోహదపడుతుందన్నారు. విద్యా వ్యవస్థలో మార్పులకు ఇదో పెద్ద అడుగుగా అభివర్ణించారు. ఈ పథకానికి విధి విధానాలు రూపొందించాల్సి ఉందన్నారు. ఈ పథకం పేరు చెప్పి ప్రవేశాలు జరిపే పాఠశాలలపై చర్యలు తీసుకుంటామని హెచ్చరించారు. ఉపాధ్యాయుల సమస్యల పరిష్కారానికి తన సమయంలో సగ భాగాన్ని కేటాయిస్తానని తెలిపారు. ఉద్యోగులు, ఉపాధ్యాయుల ఫిర్యాదులు స్వీకరించేందుకు నెలలో ఒక రోజు కేటాయిస్తానన్నారు. వర్సిటీ నియామకాల్లో అవకతవకలకు తావు లేకుండా ప్రతిభకు ప్రాధాన్యత ఇస్తామన్నారు. యూనివర్శిటీలకు మేధావులు, నిపుణులను వీసీలుగా నియమిస్తామన్నారు. ప్రభుత్వ అనుమతి లేకుండా నిర్వహిస్తున్న బీ.ఎడ్ కళాశాలలపై చర్యలు తీసుకుంటామన్నారు. ప్రమాణాలు పాటించని ఇంజనీరింగ్ కళాశాలలు, ప్రైవేట్ వర్సిటీలపై కూడా చర్యలు తీసుకుంటానని తెలిపారు.
చిత్రం...బాధ్యతలు స్వీకరించిన అనంతరం మాట్లాడుతున్న మంత్రి ఆదిమూలపు సురేష్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.