రాష్ట్రీయం
రీ పోస్టుమార్టం?
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు : గతంలో రాష్ట్ర వ్యాప్తంగా సంచలనం సృష్టించిన బీ ఫార్మశీ విద్యార్థిని ఆయేషా మీరా హత్య కేసులో కీలక మలుపు చోటు చేసుకుంది. గత జనవరిలో ప్రభుత్వం సీబీఐ విచారణకు ఆదేశించిన నేపథ్యంలో సీబీఐ దూకుడు పెంచింది. ఈ క్రమంలో శనివారం ఆయేషా మీరా తల్లిదండ్రులకు డీఎన్‌ఏ పరీక్షలు నిర్వహించేందుకు సీబీఐ అధికారులు గుంటూరు నుండి తెనాలి వెళ్లారు. రక్త నమూనాలు సేకరించే సమయంలో మతపెద్దలు అడ్డుచెప్పడంతో ఒకింత వెనకడుగు వేసినట్లు తెలుస్తోంది. అయితే కోర్టు ద్వారా అనుమతులు తీసుకుని ఆయేషా మీరా తల్లిదండ్రుల రక్తనమూనాలు సేకరించేందుకు సీబీఐ అధికారులు ప్రయత్నిస్తున్నారు. విజయవాడలో బీ ఫార్మశీ చదువుతున్న ఆయేషా మీరా 2007 డిసెంబర్ 26న హత్యకు గురయింది. ఈ కేసులో దోషిగా నిర్థారణైన సత్యంబాబు కొనే్నళ్ల శిక్ష అనుభవించిన అనంతరం హైకోర్టు తీర్పుతో నిర్దోషిగా విడుదలయ్యాడు. తరువాత కేసు పునర్‌విచారణలో భాగంగా 2018 డిసెంబర్ 7వ తేదీన అప్పటి రాష్ట్రప్రభుత్వం ఈ కేసును సీబీఐకు అప్పగించింది. అప్పటి నుండి ఈ కేసులో వందలాది మంది సాక్షులను విచారించి వారి నుంచి సీబీఐ అధికారులు వాంగ్మూలం తీసుకున్నారు. తాజాగా కేసులో పురోగతి కోసం ఆయేషా మీరా మృతదేహానికి రీ పోస్టుమార్టం నిర్వహించాలని నిర్ణయించారు. హత్య జరిగి దాదాపు 12 సంవత్సరాలు గడిచినా, ఘటన జరిగినప్పుడు ఏమైనా బలమైన గాయాలు ఉంటే అవి ఎముకలపై స్పష్టంగా ఉంటాయని విశ్వాసంతో ముగ్గురు అధికారుల బృందం తెనాలిలోని ఆయేషా మీరా తల్లి షంషాద్‌బేగంను కలిసి విచారణకు సహకరించాలని కోరారు. ఈ నేపథ్యంలో ఆయేషా మీరా మృతదేహానికి రీ పోస్టుమార్టం నిర్వహించాలని, అనంతరం తల్లిదండ్రుల డీఎన్‌ఏ అవసరమవుతుందని వారికి తెలిపారు. ఆయేషా తల్లి షంషాద్ బేగం కూడా సీబీఐ ద్వారా తమకు న్యాయం జరుగుతుందని అధికారులతో అన్నట్లు తెలుస్తోంది. అయితే దాదాపు 12 ఏళ్ల అనంతరం ఆయేషా మీరా మృతదేహానికి రీ పోస్టుమార్టం నిర్వహించాలంటే మత సాంప్రదాయాల ప్రకారం మత పెద్దల అనుమతి కూడా తప్పనిసరైన నేపథ్యంలో ఎటువంటి అవాంతరాలు, ఇబ్బందులు విచారణకు తలెత్తకుండా ముందుగానే కోర్టు నుంచి అనుమతి తీసుకునేందుకు అధికారులు ప్రయత్నిస్తున్నట్లు సమాచారం. ఈ మేరకు శనివారం తెనాలిలో ఆయేషా మీరా తల్లిదండ్రులను కలిసి వివరాలు తెలియజేసి విజయవాడ వెళ్లినట్లు తెలుస్తుంది. ఏమైనప్పటికీ విచారణ అనంతరం బాధితులకు న్యాయం చేకూరే విధంగా సీబీఐ తీసుకుంటున్న చర్యలు, చేస్తున్న విచారణ పట్ల ఆయేషా మీరా బంధువులు హర్షం వ్యక్తం చేస్తున్నారు.
ఆయేషా మీరా (ఫైల్)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.