రాష్ట్రీయం
ఆర్టీసీ విలీనంపై త్వరలో నివేదిక
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: తెలంగాణ ఆర్టీసి రవాణా సంస్థను బలోపేతం చేసేందుకు, ప్రభుత్వంలో విలీనం చేసేందుకు సంబంధించి రాష్ట్రప్రభుత్వం నియమించిన నిపుణుల కమిటీ ఈ నెలాఖరులోపల నివేదిక ఇచ్చే అవకాశం ఉంది. ఈ విషయాన్ని రవాణా శాఖ అధికార వర్గాలు తెలిపాయి. ఆంధ్రప్రదేశ్ రాష్ట్రప్రభుత్వం కూడా ఏపీఎస్‌ఆర్టీసిని ప్రభుత్వంలో విలీనం చేసేందుకు ఇటీవల కమిటీని నియమించింది. ఈ కమిటీ నివేదిక వచ్చిన వెంటనే ఆర్టీసిని ప్రభుత్వంలో విలీనం చేయాలని ఇప్పటికే జగన్ సర్కార్ సూత్రప్రాయంగా నిర్ణయం తీసుకుంది. అదే బాటలో ఇక్కడ కూడా ఆర్టీసీని ప్రభుత్వంలో విలీనం చేస్తారనే ఆశలో కార్మిక సంఘాలు ఉన్నాయి. తెలంగాణ రాష్ట్రం అవతరించి ఐదేళ్లయింది. గత ఐదేళ్లుగా కార్మిక సంఘాలు ప్రభుత్వం తీసుకునే నిర్ణయం కోసం ఉత్కంఠగా ఎదురుచూస్తున్నాయి,. రాష్ట్రప్రభుత్వం గత ఏడాది జూన్ నెలలో పది మంది నిపుణులతో కమిటీని టీఎస్‌ఆర్‌టీసీపై అధ్యయనం చేసేందుకు నియమించింది. ఈ కమిటీ ఇంతవరకు ఎనిమిద సార్లు సమావేశమైంది. గత ఏడాది ఆగస్టు 10వ తేదీనుంచి ఈ ఏడాది మే 10వ తేదీ వరకు టీఎస్‌ఆర్‌టీసీ స్థితి గతులపై విస్తృతంగా అధ్యయనం చేసింది. ఈ కమిటీలో టీఎస్‌ఆర్‌టీసీ, కర్నాటక రోడ్డు రవాణా సంస్థ అధికారులు, ఐఐటీ ఢిల్లీ ప్రొఫెసర్లు, అడ్మినిస్ట్రేటివ్ స్ట్ఫా కాలేజీ ఆఫ్ ఇండియా అధికారులు ఉన్నారు. ప్రస్తుతం టీఎస్‌ఆర్‌టీసీ దాదాపు రూ. 3000 కోట్ల వరకు లోటుతో ఉంది. రెండేళ్ల క్రితం గ్రేటర్ హైదరాబాద్ మున్సిపల్ కార్పోరేషన్ నగర పరిధిలో తిరుగుతున్న ఆర్టీసి సర్వీసులను ఆదుకునేందుకు వీలుగా రూ.198 కోట్ల నిధులను సమకూర్చిన విషయం విదితమే. నిపుణుల కమిటీలో ఎటువంటి విధి విధానాలను సమకూర్చుతుందనే విషయమై ఆర్టీసి వర్గాలు ఆసక్తిగా ఎదురుచూస్తున్నాయి. ఈ ఏడాది బడ్జెట్ సమావేశాల్లోపల ప్రభుత్వం ఈ నివేదికను అధ్యయనం చేసి విలీనం చేయడంపై ఒక నిర్ణయం తీసుకునే అవకాశం ఉన్నట్లు తెలుస్తోంది. విలీనం చేయడం వల్ల ప్రభుత్వంలో ఇతర శాఖల మాదిరిగానే సాలీనా బడ్జెట్‌లో ఆర్టీసికి నిధుల కేటాయింపు ఉంటుందని టీఎస్‌ఆర్‌టీసీ ఈయూ నేత కె రాజిరెడ్డి చెప్పారు. ఎక్సైజ్ డ్యూటీ, విలువ ఆధారిత పన్నుల వల్ల టీఎస్‌ఆర్‌టీసీ నిధుల కొరతను తీవ్రంగా ఎదుర్కొంటోంది. సంస్థ రెవెన్యూపై ప్రతికూల ప్రభావం పడుతోంది. రాష్ట్ర విభజన జరిగిన తర్వాత ఆర్టీసీని ప్రభుత్వంలో విలీనం చేస్తామని ముఖ్యమంత్రి కేసీఆర్ హామీ ఇచ్చారు. ఆ హామీకి అనుగుణంగా త్వరలోనే తీపి వార్తను వెంటామనే ఆశతో ఉన్నట్లు కార్మిక వర్గాలు తెలిపాయి.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.