రాష్ట్రీయం
ఇంటర్ సెకండియర్ సప్లిమెంటరీ ఫలితాలు విడుదల
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్: ఇంటర్ సెకండ్ ఇయర్ అడ్వాన్స్‌డ్ సప్లిమెంటరీ పరీక్ష ఫలితాలను బోర్డు ఆఫ్ ఇంటర్మీడియట్ ఆదివారం విడుదల చేసింది. మొదటి సంవత్సరం ఫలితాలను మరో వారం రోజులలో విడుదల చేయనున్నట్టు ప్రకటించింది. కాగా, ఇంటర్ సెకండ్ ఇయర్‌లో సప్లిమెంటరీలో 37 శాతం ఉత్తీర్ణత సాధించారు. ఇందులో బాలికలు 41 శాతం, బాలురు 35 శాతం ఉత్తీర్ణత సాదించారు. ఇంటర్ సెకండ్ ఇయర్ సప్లిమెంటరీ పరీక్ష ఫలితాలను ఆదివారం బోర్డు ఆఫ్ ఇంటర్మీడియట్‌లో డైరెక్టర్ అశోక్‌కుమార్ విడుదల చేశారు. వివరాలలోకి వెళ్తే.. సప్లిమెంటరీ పరీక్షకు మొత్తం 1,60,487 మంది అభ్యర్థులు పరీక్ష రాయగా 60,600 మంది ఉత్తీర్థులయ్యారు. ఉత్తీర్ణతలో ఆదిలాబాద్ జిల్లా 62 శాతంతో మొదటి స్థానంలో నిలువగా, వికారాబాద్ జిల్లా 25 శాతం ఉత్తీర్ణతతో చివరి స్థానంలో నిలిచింది. మార్కుల మెమోలను సోమవారం ఉదయం 11 గంటల నుంచి అభ్యర్థులు ఆన్‌లైన్‌లో డౌన్‌లోడ్ చేసుకోవచ్చని అశోక్‌కుమార్ పేర్కొన్నారు. రీ-కౌంటింగ్, రీ-వెరిఫికేషన్‌కు అభ్యర్థులు ఈనెల 20 వరకు ఆన్‌లైన్ ద్వారా దరఖాస్తు చేసుకోవచ్చని ఆయన వెల్లడించారు. రీ కౌంటింగ్‌కు పేపర్‌కు రూ. 100, రీ-వెరిఫికేషన్‌కు పేపర్‌కు రూ. 600 చొప్పున ఆన్‌లైన్ ద్వారా చెల్లించాల్సి ఉంటుందని అశోక్‌కుమార్ వివరించారు.
చిత్రం...ఇంటర్ సప్లిమెంటరీ ఫలితాలను విడుదల చేస్తున్న బోర్డు డైరెక్టర్ అశోక్‌కుమార్ తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.