రాష్ట్రీయం
బీసీ ద్రోహులు
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, జూలై 22: దేశంలోనే ఎక్కడా లేని విధంగా అణగారిన, దళిత వర్గాలు, మహిళలకు నామినేటెడ్ పదవులు.. కాంట్రాక్ట్ పనుల్లో భాగస్వామ్యం కల్పిస్తూ ప్రభుత్వం బిల్లులు ప్రవేశపెడితే స్వాగతించాల్సింది పోయి ఈర్ష్యతో అడ్డుకుంటున్నారని ముఖ్యమంత్రి వైఎస్ జగన్మోహన్రెడ్డి మండిపడ్డారు. ఫార్టీ ఇయర్స్ ఇండస్ట్రీ అంటూ ప్రతిసారి గొప్పలు చెప్పుకునే ప్రతిపక్షనేత చంద్రబాబుకు ఇప్పటికైనా జ్ఞానోదయం కలగక పోవటం దురదృష్టకరమని వ్యాఖ్యానించారు. సోమవారం శాసనసభలో రాజధానికి ప్రపంచ బ్యాంక్ రుణం ఉపసంహరణపై చర్చ అనంతరం ఆరు బిల్లులు ప్రవేశపెట్టారు. అయితే అమరావతిపై చర్చను అర్ధంతరంగా ముగించారని, తమకు మాట్లాడే అవకాశం ఇవ్వలేదని ప్రతిపక్ష నేత చంద్రబాబుతో సహా టీడీపీ ఎమ్మెల్యేలు ఆందోళనకు దిగారు. దీంతో సీఎం జగన్ జోక్యం చేసుకుని ప్రభుత్వం తరుపున వివరణ ఇచ్చిన తరువాత కూడా మరో అరగంట ప్రతిపక్షానికి అవకాశం ఇచ్చారని మళ్లీ అదే వాదన వినిపిస్తామనటం సమంజసం కాదన్నారు. దీంతో టీడీపీ ఎమ్మెల్యేలు నినాదాలతో జగన్ ప్రసంగాన్ని అడ్డుకునే ప్రయత్నం చేశారు. దీంతో జగన్ తీవ్ర స్థాయిలో ఆగ్రహం వ్యక్తం చేశారు. ఇంతటి దిక్కుమాలిన ప్రతిపక్షం మరొకటిలేదని విమర్శించారు. రాష్ట్ర చరిత్రలో ఎన్నడూలేని విధంగా ఎస్సీ, ఎస్టీ, బీసీ,
మైనారిటీలకు 50 శాతం రిజర్వేషన్లు కల్పిస్తుంటే ఓర్వలేకే ఆందోళన చేస్తున్నారని ఆక్షేపించారు. పరిశ్రమల్లో 75 శాతం స్థానికులకే ఉపాధి అవకాశాలు కల్పించేందుకు సంచలనాత్మక బిల్లును ప్రవేశపెడితే యువతకు ఉపాధిపై చర్చించాల్సిన ప్రతిపక్షం అక్కసుతో వెళ్లబోసుకుంటోందని ధ్వజమెత్తారు. మహిళల ఆర్థిక స్వావలంబనకు తమ ప్రభుత్వం సాహసోపేతమైన నిర్ణయాలు తీసుకుందని ఇది కూడా సహించలేని ప్రతిపక్షం రాష్ట్రానికి పట్టిన దౌర్భాగ్యమన్నారు. తాము హుందాగా వ్యవహరిస్తున్నామని, అడిగిందే తడవుగా స్పీకర్ ప్రతిపక్షానికి కూడా నిబంధనల మేరకు అవకాశాలు ఇస్తున్నారని చెప్పారు. గతంలో మేం ప్రతిపక్షంగా ఉన్నప్పుడు మాకు అవకాశం ఇవ్వకపోగా అవహేళన చేశారని గుర్తుచేశారు. అయితే తాము అంత నీచంగా వ్యవహరించబోమని, నియమావళి ప్రకారం ప్రభుత్వం వివరణ ఇచ్చిన తరువాత మరోసారి అదే అంశంపై ఎలా మాట్లాడతారని నిలదీశారు. బీసీ ద్రోహులుగా చరిత్రలో నిలుస్తారని విమర్శించారు. స్పీకర్ తమ్మినేని సీతారాం ఓ బలహీన వర్గానికి చెందిన వారనేది కూడా గ్రహించకుండా ఆయన సీటు వద్దకు చేరి భయోత్పాతాన్ని సృష్టిస్తున్నారని, వారికి దేవుడే తగిన శాస్తి చేస్తాడని స్పష్టం చేశారు.
చిత్రం... సభలో ఆగ్రహం వ్యక్తం చేస్తున్న ముఖ్యమంత్రి జగన్మోహన్రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.