రాష్ట్రీయం
ఎస్‌ఐ ఫలితాలు విడుదల చేసిన సీఎం జగన్
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ (క్రైం), జూలై 22: సబ్ ఇన్స్‌పెక్టర్ల పరీక్షా ఫలితాలను ముఖ్యమంత్రి వైఎస్ జగన్మోహన్‌రెడ్డి సోమవారం విడుదల చేశారు. ఫలితాల కోసం ఎంతోమంది నిరుద్యోగులు నెలల తరబడి ఎదురుచూస్తున్న తరుణంలో వారి అభ్యర్థన మేరకు అసెంబ్లీ ఛాంబర్‌లో ముఖ్యమంత్రి ఫలితాలు విడుదల చేశారు. సబ్ ఇన్‌స్పెక్టర్లు (సివిల్, రిజర్వు, ఏపిఎస్పీ), డిప్యూటీ జైలర్లు, స్టేషన్ ఫైర్ ఆఫీసర్ల పోస్టులకు సంబంధించి మొత్తం 333 ఖాళీల ఎంపికలో రాత పరీక్షకు సంబంధించి తుది ఫలితాలను రాష్ట్ర స్ధాయి పోలీసు రిక్రూట్‌మెంట్ బోర్డు ప్రకటించింది. మొత్తం 1,35,414 మంది అభ్యర్థులు ఈ పోస్టుల కోసం పోటీ పడగా, ప్రిలిమినరీ పరీక్ష, ఫిజికల్ పరీక్షలు పూర్తయ్యాక అందులో అర్హత పొందిన 32,745 మంది రాత పరీక్షకు హాజరయ్యారు. వీరంతా 149 సివిల్ ఎస్‌ఐలు, 75 రిజర్వు ఎస్‌ఐ పోస్టులకు అదేవిధంగా 75 ఏపీ స్పెషల్ పోలీసు సబ్ ఇన్‌స్పెక్టర్ పోస్టులకు, 10మంది డిప్యూటీ జైలర్లు (పురుషులు), నాలుగు మహిళా డిప్యూటీ జైలర్లు, 20 స్టేషన్ ఫైర్ ఆఫీసర్ పోస్టులకు పోటీ పడ్డారు. కాగా నెల్లూరుకు చెందిన పరుచూరి రమేష్, కడపకు చెందిన షేక్ హుస్సేన్, రవికిషోర్ 255 మార్కులతో అగ్రస్థానంలో నిలిచారు. 15,775 మంది మహిళా అభ్యర్థులు పోటీ పడగా 61మంది ఎంపిక అయ్యారు. కృష్ణాజిల్లాకు చెందిన విశ్వనాధపల్లి ప్రఙ్ఞ 224 మార్కులతో మహిళల్లో టాపర్‌గా నిలిచారు. ధృవ పత్రాలు వెరిఫికేషన్ పూర్తయ్యాక ఎంపికైన వారికి శిక్షణ ఇవ్వనున్నారు. కాగా ఎస్‌ఐ పోస్టులకు ఎంపికైన వారికి సీఎం జగన్ శుభాకాంక్షలు తెలియచేశారు. ఫలితాలు విడుదల సందర్భంగా ముఖ్యమంత్రితోపాటు హోంమంత్రి మేకతోటి సుచరిత, డీజీపీ దామోదర గౌతం సవాంగ్, అదనపు డీజీ కుమార్ విశ్వజిత్ ఉన్నారు. ఎస్‌ఐ రాత పరీక్షల్లో ఎంపికైన అభ్యర్థుల సర్ట్ఫికెట్లు పరిశీలన అనంతరం త్వరలో శిక్షణకు పంపనున్నట్లు హోం మంత్రి మేకతోటి సుచరిత తెలిపారు. పోలీసుశాఖలో ఖాళీల భర్తీకి త్వరలో ప్రత్యేక రిక్రూట్‌మెంట్ డ్రైవ్ చేపడతామన్నారు. అసెంబ్లీలోని సీఎం ఛాంబర్‌లో ముఖ్యమంత్రి ఫలితాలు విడుదల చేసిన అనంతరం హోంమంత్రి మీడియా పాయింట్‌లో వివరాలు వెల్లడించారు. రాష్ట్రంలోని పోలీసుశాఖలో ఇంకా 17శాతం వివిధ కేటగిరీల ఖాళీలను భర్తీ చేయాల్సి ఉందన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.