రాష్ట్రీయం
మా తడాఖా చూపుతాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 8: వచ్చే మున్సిపల్ ఎన్నికల్లో కాంగ్రెస్ పార్టీ తన తడాకా చూపెడుతుందని పీసీసీ అధ్యక్షుడు ఉత్తమ్‌కుమార్‌రెడ్డి ప్రకటించారు. కాంగ్రెస్ జైత్రయాత్రను ఎవరూ అడ్డుకోలేరని, టీఆర్‌ఎస్ ప్రజావ్యతిరేక విధానాలకు ప్రజలు గట్టి బుద్ధి చెప్పనున్నారని ఆయన జోస్యం చెప్పారు. గురువారం గాంధీ భవన్‌లో మున్సిపల్ ఎన్నికలపై సమీక్షించారు. ఈ సందర్భంగా ఆయన మాట్లాడుతూ, వచ్చే మున్సిపల్ ఎన్నికల్లో మెజారిటీ స్థానాలను కాంగ్రెస్ కైవశం చేసుకుంటుందని ధీమా వ్యక్తం చేశారు. ప్రజలు సీఎం కేసీఆర్‌కు గుణపాఠం చెప్పేందుకు సిద్ధంగా ఉన్నారని ఉత్తమ్ తెలిపారు. బీసీల రిజర్వేషన్ విషయంలో ప్రభుత్వ వైఖరిని ఎండగడుతూ ఉద్యమాలు చేయాలని ఆయన పిలుపునిచ్చారు. బీసీ జనాభా ప్రాతిపదికన రిజర్వేషన్లు
ఇవ్వాలన్నారు. ఇంటింటికీ కాంగ్రెస్, వాడవాడలా జెండా కార్యక్రమం విజయవంతమైందని ఆయన ప్రకటించారు. మున్సిపాలిటీల్లో పార్టీ కార్యక్రమాలను విస్తృతంగా చేపట్టాలని విజ్ఞప్తి చేశారు. ఈ నెల 19వ తేదీ వరకు జెండా పండగను కొనసాగించాలన్నారు. అన్ని మున్సిపాలిటీల్లో ఇంటింటికీ, వాడవాడల్లో కాంగ్రెస్ పార్టీ విస్తరించిందని పీసీసీ చీఫ్ స్పష్టం చేశారు. ఈ నెల 20వ తేదీన రాజీవ్ గాంధీ 75వ జయంతి ఘనంగా జరుపుకోవాలని ఆయన కార్యకర్తలను కోరారు. బీజేపీ నేతలు పార్లమెంటులో తెలంగాణ ఇవ్వడం తప్పు అనే రీతిలో మాట్లాడుతున్నారని ఆయన ధ్వజమెత్తారు. తెలంగాణ ఇవ్వడం బీజేపీకి ఇష్టం లేదా అని ప్రశ్నించారు. తెలంగాణ ప్రజలను కేంద్ర హోంశాఖ మంత్రి అమిత్ షా అవమానించారన్నారు. ఏ బిల్లు ఆమోదానికైనా పార్లమెంటు తలుపులు మూయిస్తారన్నారు. అన్ని రాజకీయ పార్టీల అభిప్రాయాలను సేకరించిన తర్వాతనే ఆంధ్రప్రదేశ్‌ను విభజించారన్నారు. లోక్‌సభలోప్రధాని మోదీ కూడా గతంలో ఇదే విషయంలో తప్పుబట్టడాన్ని ప్రజలు గమనించారన్నారు. బీజేపీ నేతలు తెలంగాణను అవమానిస్తూ ప్రకటనలు చేస్తుంటే, టీఆర్‌ఎస్ ఎందుకు వౌనంగా ఉందని ఉత్తమ్ నిలదీశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.