రాష్ట్రీయం
కృష్ణా తీరం విలవిల
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఆగస్టు 16: కృష్ణానదికి మహారాష్ట్ర, కర్నాటక రాష్ట్రాల నుంచి వస్తున్న వరద కారణంగా కృష్ణాజిల్లాలో నదీ పరివాహక ప్రాంతాల్లోని గ్రామాలు, లంకలు విలవిల లాడుతున్నాయి. 24 గ్రామాలు వరద తాకిడికి గురి కాగా 12 గ్రామాలు జలదిగ్బంధానికి గురై బాహ్య ప్రపంచంతో సంబంధాలు తెగిపోయాయి. ఎన్‌డీఆర్‌ఎఫ్, ఎస్‌డీర్‌ఎఫ్, రెవెన్యూ, ఫైర్, పోలీస్‌శాఖలకు చెందిన దాదాపు వెయ్యి మంది సిబ్బంది ముంపు గ్రామాల ప్రజల తరలింపులో నిమగ్నమై ఎటువంటి ప్రాణ, ఆస్తి నష్టం కలుగకుండా పటిష్టమైన చర్యలు తీసుకుంటున్నారు. అవసరమైతే ఆర్మీ, నేవీ దళాల సేవలను కూడా వినియోగించుకుంటామని కలెక్టర్ ఏఎండీ ఇంతియాజ్ ఆంధ్రభూమి ప్రతినిధితో అన్నారు. జిల్లా మొత్తంపై 40 సహాయ పునరావాస కేంద్రాలు ఏర్పాటు కాగా వీటిల్లోకి ప్రస్తుతం 12వేల మందికి పైగా తరలించారు. వరద నీటి కారణంగా 10వేల ఎకరాల్లోని వరి, ఉద్యానవన పంటలకు నష్టం వాటిల్లినట్లు ప్రాథమిక అంచనా 200 గృహాలు దెబ్బతిన్నట్లు అంచనా. విజయవాడ ప్రకాశం బ్యారేజీపై ముందుజాగ్రత్త చర్యగా భారీ వాహనాల రాకపోకలను పూర్తిగా నిల్పివేశారు. ఇదిలావుంటే వరద నీటితో పాటు వేల సంఖ్యలో పాములు కొట్టుకు వస్తుండటంతో తీర ప్రాంత ప్రజలు భీతిల్లుతున్నారు. పాముకాటు విరుగు మందును శిబిరాల్లో సిద్ధం చేశారు. చెవిటికల్లు లంక ప్రాంత ప్రజలను పడవల్లో కంచికచర్లకు తరలిస్తుండగా ఒక పడవ బోల్తా పడటంతో ఆరో తరగతి చదవుతున్న కంచర్ల తులసీప్రియ(11) అక్కడికక్కడ మరణించగా తొమ్మిది మంది సురక్షితంగా బైటపడ్డారు. కంచికచర్ల మండలంలో మున్నలూరు, కొనికనపాడు, చెవిటికల్లు, ఘని ఆత్కూరు, కొత్తపేట గ్రామాలు జలదిగ్బంధానికి గురియ్యాయి. చెవిటికల్లులో ఒక మృతదేహాన్ని తెప్పపై శ్మశానవాటికలోకి తీసుకెళ్ళి ఖననం
చేయాల్సి వచ్చింది. గని ఆత్కూరులో 500 గొర్రెలు, ఐదుగురు గొర్రెల కాపరులు జలదిగ్బంధంలో చిక్కుగా పడవల్లో సురక్షితంగా తరలించారు. జగ్గయ్యపేట మండలంలో ముక్త్యాల, రావిరాల, జయంతిపురం, వేదాద్రి గ్రామాలు జలదిగ్బంధానికి గురయ్యాయి. ఆయా గ్రామాలకు వెళ్లే రహదారులన్నీ నీట మునిగాయి. పాలేరు వంతెన, చంద్రయ్య కయ్య వద్ద నిలువెత్తు నీరు ప్రవహిస్తోంది. ఘంటసాల మండలం పాపనాశనం గ్రామం సమీపంలో కరకట్ట తెగి గ్రామంలోకి నీరు ప్రవహిస్తుండగా తక్షణమే ఇసుక బస్తాలతో గండి పూడ్చారు. తోట్లవల్లూరు మండలంలో పలు లంక గ్రామాలు జలదిగ్బంధంలో చిక్కుకున్నాయి. ఇబ్రహీంపట్నం మండలం చినలంక, పెదలంక గ్రామాలు నీటి మునగ్గా అక్కడి ప్రజలు ట్రక్ టర్మినల్‌కు తరలించారు. విజయవాడలో భవనీపురంలోని కుమ్మరిపాలెం, కృష్ణలంకలోని భూపేష్‌నగర్, రామకోటినగర్, తారక రామనగర్ ప్రాంతలు నీటి మునిగాయి. కలెక్టర్ ఇంతియాజ్, పోలీస్ కమిషనర్ ద్వారకా తిరుమలరావు, మంత్రులు సహాయక చర్యలు పర్యవేక్షిస్తున్నారు. మంత్రులు బొత్స సత్యనారాయణ, వెలంపల్లి శ్రీనివాస్‌లు ముంపు ప్రాంతాల్లో పర్యటించి సహాయక చర్యలు పర్యవేక్షించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.