రాష్ట్రీయం
అంతర్వేదిలో గ్యాస్ లీక్
S ,7 à 8 RSCA (si SASPAS) et 6 cialis pharmacie cialis rapports de stage.
అమలాపురం/ సఖినేటిపల్లి, ఆగస్టు 17: తూర్పుగోదావరి జిల్లా రాజోలు నియోజకవర్గంలో నిత్యం చమురు సంస్థల నిర్వహిస్తున్న గ్యాస్ పైపులు, చముర బావుల నుంచి గ్యాస్ లీకేజీలు అక్కడ ప్రజలకు ప్రాణ సంకటంగా తయారైంది. కాలం చెల్లిన పైపులైన్ల స్థానే కొత్తవి వేయకపోవడమే ఈ గ్యాస్ లీకేజీకి కారణమని పలుమార్లు స్థానికులు ఓఎన్జీసీ అధికారులు దృష్టికి తీసుకొచ్చినా వారి నిర్లక్ష్య ధోరణి కారణంగా ప్రతి నిత్యం ఎక్కడో అక్కడ గ్యాస్ లీకేజీలు జరుగుతున్నాయని స్థానికులు ఆరోపిస్తున్నారు. నగరం ఘటన ఇంకా ప్రజలు మరువకుండానే అటువంటి ఘటనలు తరచూ తలెత్తడంతో ఈ ప్రాంత నివాసిత ప్రజలు ప్రాణాలరచేతిలో పెట్టుకుని దినదిన గండంగా జీవిస్తున్నారు. శుక్రవారం అర్ధరాత్రి అంతర్వేదిలో గ్యాస్ లీకేజీ మరో విస్ఫోటంగా తయారుకావడంతో అక్కడ ప్రజలు భయాందోళనతో పరుగులు తీశారు. అంతర్వేది బులిశెట్టివారి పుంత సెయింట్ మేరీ పాఠశాల వద్దనున్న ఓఎన్జీసీ బావి వద్ద శుక్రవారం రాత్రి గ్యాస్ లీకై మంటలు చెలరేగి బూడిద రూపంలో గ్యాస్ పరిసర ప్రాంతాలకు వ్యాపించింది. దీంతో స్థానికులు భయాందోళనకు లోనయ్యారు. ఈ ఘటనలో దాదాపు కిలోమీటరు దూరం వరకు పొగలతో కూడిన గ్యాస్ ఆవరించడంతో స్థానికులు ఆందోళన చెందారు. విషయాన్ని స్థానికులు ఓఎన్జీసీ అధికారులకు తెలియజేయటంతో హుటాహుటిన సంఘటనా స్థలానికి చేరుకుని బావి నుంచి గొట్టాలు ద్వారా లీక్ అవుతున్న గ్యాస్‌ను అదుపు చేశారు. రాత్రికి రాత్రే పోలీసులు, ఓఎన్జీసీ అధికారులు ప్రమాద స్థలానికి చేరుకున్నారు. గ్యాస్ లీక్‌పై అధికారులను స్థానికులు నిలదీసి ఆందోళన చేశారు. జనావాసాలకు దూరంగా కొత్త పైపులైన్లు వేయాలని స్థానికులు కోరుతున్నారు. శనివారం ఉదయం స్థానిక ఎమ్మెల్యే రాపాక వరప్రసాదరావు, ఓఎన్జీసీ గ్రూప్ జనరల్ మేనేజర్ అజిత్‌కుమార్, ఏరియా మేనేజర్ దత్తు, స్థానిక తహసీల్దార్ ప్రకాష్‌బాబు, ఎస్సై సురేష్‌బాబు, మెరైన్ ఏఎస్సై రాజు, పెద్దలు ప్రమాద స్థలానికి చేరుకుని చర్చించారు. ఈ సందర్భంగా ఎమ్మెల్యే రాపాక మాట్లాడుతూ ఓఎన్జీసీ జనవాసాల మధ్య నుంచి పైపులైన్లు వేసిందని, కొత్త పైపులైన్లు వేసి ప్రజలకు ప్రాణరక్షణ కల్పించకపోతే తాము ఉద్యమించి ఓఎన్జీసీ కార్యకలాపాలను అడ్డుకుంటామని అధికారులను హెచ్చరించారు. ప్రస్తుత పరిస్థితుల్లో సరైన రక్షణ చర్యలు తీసుకోకపోతే మోరి 1, 2 బావులను నిలుపుదల చేస్తామని ఎమ్మెల్యే హెచ్చరించారు. ఈ సందర్భంగా ఓఎన్జీసీ గ్రూపు జనరల్ మేనేజర్ అజిత్‌కుమార్ శనివారం ఉదయం సంబంధిత అధికారులతో కలిసి ప్రమాద స్థలాన్ని పరిశీలించారు. ఈ సందర్భంగా అజిత్‌కుమార్ మాట్లాడుతూ ఈ ప్రమాదం పట్ల వెంటనే తగిన చర్యలు తీసుకుంటామని, ప్రజలు ఆందోళన పడవద్దన్నారు. ఉన్న ఏడు లైన్లలో మూడు లైన్లు సరిగాలేనట్లు తాము గుర్తించామని, త్వరలోనే వాటిని తొలగిస్తామన్నారు. ఈ రోజు నుంచి ప్రమాద స్థలంలో ఒకర్ని కాపలాదారుడిగా నియమిస్తామన్నారు. ఇలాంటి ప్రమాదాలు జరగకుండా తగు చర్యలు సత్వరమే తీసుకోవాలని ఓఎన్జీసీ గ్రూప్ జీఎం అజిత్‌కుమార్ అధికారులను ఆదేశించారు.
చిత్రాలు.. అంతర్వేదిలో గ్యాస్ లీక్ అయిన పైపులైన్ ప్రాంతం..
*ఓఎన్జీసీ అధికారులతో మాట్లాడుతున్న ఎమ్మెల్యే రాపాక
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.