రాష్ట్రీయం
రెండో రాజధాని ప్రచారంలో వాస్తవం లేదు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఆగస్టు 21: హైదరాబాద్‌ను దేశానికి రెండో రాజధాని చేస్తారనే ప్రచారంలో నిజంలేదని కేంద్ర హోంశాఖ సహాయ మంత్రి జీ కిషన్ రెడ్డి స్పష్టం చేశారు. ఈ వార్తల్లో వాస్తవం లేదన్నారు. బీజేపీ జాతీయ కార్యనిర్వాహక అధ్యక్షుడు జేపీ నడ్డా అంటే ఎవరో తనకు తెలియదని టీఆర్‌ఎస్ వర్కింగ్ ప్రెసిడెంట్ కేటీఆర్ పేర్కొనడం మంచి సంస్కృతి కాదని, అహంకారపూరితమైన మాటలు మాట్లాడరాదని హితవుపలికారు. ఆయన ఇక్కడ మాట్లాడుతూ, గతంలో కేటీఆర్ కేంద్ర ఆరోగ్య శాఖమంత్రిగాపనిచేసిన నడ్డాను చాలాసార్లు కలిశారన్నారు. తాము కూడా ముఖ్యమంత్రి కేసీఆర్ అంటే ఎవరని అనవచ్చని, కాని అది తమ సంప్రదాయం కాదన్నారు. తెలంగాణ రాష్ట్ర సాధన కోసం పార్లమెంటులో పోరాడిన తెలంగాణ చిన్నమ్మ సుష్మాస్వరాజ్ అనారోగ్యంతో చనిపోతే టీఆర్‌ఎస్ నేతలు కనీసం నివాళులు అర్పించలేదన్నారు. ఏపీ రాజధాని మారుతుందని సోషల్ మీడియాలో జరుగుతున్న ప్రచారంపై తాము స్పందించాల్సిన అవసరం లేదన్నారు. దీనిపై కేంద్రం ఎటువంటి నిర్ణయం తీసుకోలేదన్నారు. ఆయుష్మాన్ భవ కార్యక్రమం సరిగా అమలు కావడం లేదనే
విమర్శలు సరికావన్నారు. ఆరోగ్య శ్రీ కార్యక్రమాన్ని సక్రమంగా అమలు చేయాల్సిన బాధ్యత రాష్ట్రప్రభుత్వంపై ఉందన్నారు. 2023లో తెలంగాణ అసెంబ్లీ మీద జెండా ఎగురవేయడం తమ లక్ష్యమని ఆయన చెప్పారు.
నడ్డాకు కృతజ్ఞతలు తెలిపిన మాజీ ఎంపీ జీ వివేక్
రాష్ట్రప్రభుత్వం మెడలు వంచి తెలంగాణ ప్రజలకు ఆరోగ్యశ్రీ అందించినందుకు బీజేపీ జాతీయ కార్యనిర్వాహక అధ్యక్షుడు నడ్డాకు మాజీ ఎంపీ జీ వివేక్ కృతజ్ఞతలు తెలిపారు. పేద ప్రజల ఆరోగ్యంతో ఆడుకుంటున్న ప్రభుత్వం జేపీ నడ్డాప్రకటనతో దిగిరాక తప్పలేదన్నారు. ఆరోగ్యశ్రీని పునరుద్ధరించక తప్పలేదన్నారు. నడ్డా ప్రకటన ప్రభుత్వంపై వత్తిడి పెరిగిందన్నారు. ఇక్కడి ప్రజల కష్టాలను తీర్చిన నడ్డాకు తెలంగాణ ప్రజల తరఫున ఆయన ప్రత్యేక కృతజ్ఞతలు తెలిపారన్నారు.
చిత్రం... బీజేపీ రాష్ట్ర కార్యాలయంలో మాట్లాడుతున్న కేంద్ర మంత్రులు సంతోష్‌కుమార్ గంగ్వార్, కిషన్ రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.