రాష్ట్రీయం
గ్రామాలే లక్ష్యం కావాలి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, ఆగస్టు 22: గ్రామీణ ప్రాంతాలపై బ్యాంకర్లు ప్రత్యేక దృష్టి పెట్టాలని, గ్రామాల్లో బ్యాంకింగ్ రంగం ముందుకు వెళితే రాష్ట్రం, దేశం ఆర్థికంగా ముందుకు వెళుతుందని ఆ దిశగా బ్యాంకులు ఆలోచన చేయాలని రాష్ట్ర ప్రభుత్వ ప్రధాన కార్యదర్శి ఎల్వీ సుబ్రహ్మణ్యం అన్నారు. గురువారం నగరంలోని ఒక హోటల్‌లో లీడ్ బ్యాంక్ అయిన ఆంధ్ర బ్యాంక్ ఏర్పాటు చేసిన రాష్ట్ర స్థాయి బ్యాంకర్స్ సమావేశానికి ముఖ్యఅతిథిగా ఆయన హాజరయ్యారు. ఈ సందర్భంగా ఎల్వీ మాట్లాడుతూ బ్యాంకింగ్ రంగం గ్రామీణ ప్రాంతాలపై దృష్టి పెడితే గ్రామాల నుండి పట్టణాలకు వలసలు తగ్గి స్థానికంగా ఉద్యోగావకాశాలు మెరుగుతావయన్నారు. గ్రామీణ ప్రాంతాల్లో సరైన వౌలిక వసతులు లేక 40 శాతం మంది గ్రామాల నుండి పట్టణాలకు వలస వెళుతున్నారన్నారు. గ్రామీణ ప్రాంతాల్లో పని చేసే బ్యాంకు మేనేజర్లకు ప్రాధాన్యత
ఇవ్వాలన్నారు. బ్యాంక్ మేనేజర్లు స్థానికంగా ఉండి గ్రామీణ ప్రాంతాల్లో రైతులు, ప్రజల పరిస్ధితిని గమనించి సహకారం అందించాలన్నారు. ప్రధాన మంత్రి నరేంద్ర మోదీ ఇచ్చిన పిలుపు ప్రకారం భారతదేశం 5 ట్రిలియన్‌ల ఆర్థిక శక్తిగా ఎదగడానికి అందరూ కలిసికట్టుగా పని చేయాలన్నారు. నిర్ణీత కాలంలో ఆర్థిక వ్యవస్థ లక్ష్యాలను ఛేదించడానికి స్వల్పకాలిక, దీర్ఘకాలిక విధానాలతో ముందుకు వెళ్లాలన్నారు. ఆంధ్ర బ్యాంక్ లీడ్ మేనేజర్ జే పకిరిసామి మాట్లాడుతూ ఆర్థిక వ్యవస్థ ప్రధాన భూమికలో బ్యాంకర్స్ ప్రముఖపాత్ర నిర్వహిస్తున్నాయన్నారు. కార్యక్రమంలో ఆంధ్రా బ్యాంక్ సర్కిల్ మేనేజర్, ఎస్‌ఏఎల్‌బీసీ కన్వీనర్ కేవీ నాంచారయ్య, ఆంధ్రా బ్యాంక్ జనరల్ మేనేజర్ కేఎస్‌డీ శివవరప్రసాదరావు, ఎస్‌ఎల్‌బీసీ ఏజీఎం కే అజయ్‌పాల్, కృష్ణా జిల్లా ఆంధ్రా బ్యాంక్ డీజీఎం ఎం వెంకటేశ్వరస్వామి తదితరులు పాల్గొన్నారు.
చిత్రం...బ్యాంకర్ల సమావేశంలో మాట్లాడుతున్న ఎల్వీ సుబ్రహ్మణ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.