రాష్ట్రీయం
కోడెలకు తీవ్ర అస్వస్థత
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు, ఆగస్టు 23: ఆంధ్రప్రదేశ్ మాజీ స్పీకర్ డాక్టర్ కోడెల శివప్రసాదరావు శుక్రవారం రాత్రి అకస్మాత్తుగా తీవ్ర అస్వస్థతకు గురయ్యారు. గుంటూరులోని తన నివాసంలో నిద్రకు ఉపక్రమిస్తున్న సమయంలో ఛాతిలో తీవ్రంగా నొప్పి రావడంతో ఆయన బంధువులు గుర్తించి హుటాహుటిన ఆసుపత్రికి తరలించారు. స్పీకర్ అల్లుడు డాక్టర్ మనోహర్ వెంటనే స్పందించి తన ఆసుపత్రిలోనే ఇనె్టన్సివ్ కేర్ యూనిట్‌లో చేర్చారు. వెంటిలేటర్ ఏర్పాటు చేసి స్వయంగా కోడెల ఆరోగ్య పరిస్థితి సమీక్షిస్తున్నారు. ఆయన ఆరోగ్య పరిస్థితి నిలకడగా ఉన్నట్లు తెలుస్తోంది. ఇదిలావుండగా సార్వత్రిక ఎన్నికల నుండి స్పీకర్ కోడెల రాజకీయంగా తీవ్ర ఒత్తిడిని ఎదుర్కొంటున్నారు. ఓ పక్కన ఎన్నికల సంఘటనలు మరోపక్క కుమార్తె, కుమారుడిపై వచ్చిన ఆరోపణలు, నేర పరిశోధక సంస్థల తనిఖీలు ఆయనపై ఒత్తిడిని మరింత పెంచాయి. దీనికి తోడు అసెంబ్లీకి చెందిన ఫర్నిచర్ తరలింపు నేపథ్యంలో ఆయనపై వచ్చిన ఆరోపణలతో మరింత ఉక్కిరిబిక్కిరయ్యారు. ఇదిలావుండగా గతంలో జరిగిన సంఘటనల నేపథ్యంలో అధికార పక్ష నేతల నుండి ఆరోపణలు, విమర్శలతో ముప్పేట దాడికి గురయిన కోడెలకు మానసిక ఒత్తిడి తీవ్రమయింది. ఈ పరిస్థితుల్లో శుక్రవారం ఆయనపై పెరిగిన మానసిక ఒత్తిడి ఏకంగా ఛాతీనొప్పిగా పరిణమించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.