రాష్ట్రీయం
బీఫ్ ఫెస్టివల్ నిర్వహిస్తాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/తార్నాక/ నాచారం, డిసెంబర్ 8: ఓయులో బీఫ్ ఫెస్టివల్‌కు గడువు దగ్గర పడుతున్నకొద్దీ క్యాంపస్‌లో ఉద్రిక్త వాతావరణం చోటుచేసుకుంటోంది. కోర్టు యధావిధి పరిస్థితి కొనసాగించాలని ఆదేశించినా, పోలీసులు అనుమతులు లేవని ఇప్పటికే స్పష్టం చేసినా విద్యార్థులు మాత్రం తాము బీఫ్ ఫెస్టివల్ నిర్వహించి తీరుతామని అంటున్నారు. మంగళవారం ఓయు ఆర్ట్స్ కళాశాల వద్ద ఓ వర్గం విద్యార్థులు విలేఖరుల సమావేశం నిర్వహించి తమ గిరిజన సాంప్రదాయాలకు ప్రతీకగా పోర్క్ ఫెస్టివల్ (పందిమాంసం విందు)ను నిర్వహించి తీరుతామని పేర్కొన్నారు. కోర్టు చెప్పినట్లు విద్యార్థులకు ఎలాంటి ఇబ్బందులు తలెత్తకుండా తమ కార్యక్రమాలను నిర్వహిస్తామని తెలిపారు.
ఇందుకోసం అన్ని పార్టీల నేతలను ఈ కార్యక్రమానికి ఆహ్వానించామని, వారు తప్పకుండా హాజరవుతామని హామీ ఇచ్చారని తెలిపారు.
ఇదిలా ఉండగా ‘్భఫ్ పెస్టివల్’ నిర్వాహకులు మంగళవారం ఎన్‌ఆర్‌ఎస్‌హెచ్ హాస్టల్ వద్ద 10వ తేది నిర్వహించనున్న బీఫ్ పెస్టివల్‌కు సంబంధించిన పోస్టర్‌ను ఆవిష్కరించారు. అనంతరం బీఫ్‌తో తయారుచేసే రకరకాల వంటకాలను వండి తీసుకువచ్చి ప్రదర్శించి అనంతరం భుజించారు. ఈ సందర్భంగా వారు మాట్లాడుతూ కోర్టు తీర్పుకు సంబంధించి తమకు ఎలాంటి కోర్టు తీర్పు కాపీలు, అదేవిధంగా అధికారుల ఆదేశాలు అందలేదని వివరించారు. ఈ నెల 10న మానవహక్కుల దినోత్సవం రోజు తమకు ఇష్టమైన ఆహారాన్ని వండుకుని తింటామని తెలిపారు. కాగా ఔటా అధ్యాపకులు నిర్వహించిన విలేఖరుల సమావేశంపై స్పందిస్తూ ఎకడమిక్ వాతావరణాన్ని కాపాడడానికి సదరు అధ్యాపకులు ఏమి చేశారో వివరించాలని డిమాండ్ చేశారు. ఈ కార్యక్రమంలో సుదర్శన్, డేవిడ్, ముజపర్, స్టాలిన్, శ్రీనివాస్‌గౌడ్, బద్రి, రాజేందర్, ముఖేశ్ తదితరులు పాల్గొన్నారు.
‘చదువులపైనే దృష్టి పెట్టాలి’
ఓయులో విద్యార్థులు తమ దృష్టిని చదువులపైనే పెట్టాలని ‘ఔటా’ అధ్యక్షుడు ప్రొ. సత్యనారాయణ పేర్కొన్నారు. మంగళవారం ఓయులో నిర్వహించిన విలేఖరుల సమావేశంలో మాట్లాడుతూ విద్యార్థులు అకడమిక్ వాతావరణాన్ని పాడుచేసుకోవద్దని విజ్ఞప్తి చేశారు. కోర్టు కూడా ఎలాంటి ఉత్సవాలు నిర్వహించవద్దని ఉత్తర్వులు ఇచ్చిందని, అదేవిధంగా విద్యార్థులు విద్యపై శ్రద్ధ వహించాలని సూచించారు. కొంతమంది రిటైర్డ్ ప్రొఫెసర్లు, పరిశోధన విద్య పేరిట ఓయులో తిష్టవేసిన విద్యార్థులు కలిసి విద్యార్థులను రెచ్చగొడుతున్నారని వారు ఆరోపించారు. ఈ కార్యక్రమంలో ప్రొఫెసర్ రాములు, లక్ష్మీకాంతం రాథోడ్, డాక్టర్.సురేందర్‌రెడ్డి తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.