రాష్ట్రీయం
సుశీలకు కొప్పరపు కవుల జాతీయ ప్రతిభా పురస్కారం
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం (ఆరిలోవ), సెప్టెంబర్ 9: కొప్పురపు కవుల కళాపీఠం ఆధ్వర్యంలో సోమవారం కళాభారతి ఆడిటోరియంలో నిర్వహించిన జాతీయ ప్రతిభా పురస్కార సభలో ప్రఖ్యాత సినీ నేపధ్య గాయనీ, గానకోకిల పీ.సుశీలకు కొప్పరపు కవుల జాతీయ పురస్కారంతో రాష్ట్ర సాంస్కృతిక శాఖామంత్రి ముత్తంశెట్టి శ్రీనివాసరావు, అతిథులు సత్కరించారు. ఇదే వేదికపై డాక్టర్ ఆశావాది ప్రకాశరావును కొప్పరపు కవుల స్మారక అవధాన పురస్కారంతో సత్కరించారు. అనంతరం అతిథులు కుర్తాళం పీఠాధిపతి శ్రీ సిద్దేశ్వరానంద భారతీయ స్వామీజీకి పాద పూజ (గురుపూజాత్సవం) నిర్వహించారు. ఈ సందర్భంగా స్వామి అనుగ్రహభాషణం చేస్తూ కొప్పరపు కవులు గంటకు 300 పద్యాలు అతి వేగంగా చెప్పగలిగిన ప్రతిభా సంపన్నులని తెలిపారు. ఈ సందర్భంగా సన్మానగ్రహీతలు గానకోకిల సుశీలకు ఆశావాది ప్రకాశరావుకు ఆశీస్సులు అందజేశారు. ఆశుకవి, అవధాని డాక్టర్ దూళిపాళ మహాదేవమణి అధ్యక్షతన జరిగిన కార్యక్రమంలో మంత్రితోపాటు అధికార భాషా సంఘం అధ్యక్షుడు డాక్టర్ యార్లగడ్డ లక్ష్మీప్రసాద్, బీజెపీ జాతీయ ప్రధాన కార్యదర్శి పీ.మురళీధరరావు, సినీ గేయ రచయిత జొన్నవిత్తుల రామలింగేశ్వరరావు, వీఎంఆర్‌డిఏ చైర్మన్ ద్రోణంరాజు శ్రీనివాసరావు, మాజీ మంత్రి మండలి బుద్ధప్రసాద్ ప్రముఖ పాత్రికేయులు డాక్టర్ కే.రామచంద్రమూర్తి, సుప్రసిద్ధ ఆర్ధిక రంగనిపుణులు కే.నరసింహమూర్తి, పైడా విద్యాసంస్థల అధినేత పైడా కృష్ణప్రసాద్, డాక్టర్ కూటికుప్పల సూర్యారావు, మాశర్మ పాల్గొన్నారు. ముందుగా కళాకారులు ఆలమూరి రాధాకుమారి, ప్రఖ్యాత టీవీ యాంకర్, జర్నలిస్ట్ స్వప్న, నారాయణ తీర్థుల తరంగ గానం చేశారు.
చిత్రం...గాన కోకిల పి.సుశీలకు కొప్పరపు కవుల జాతీయ ప్రతిభా పురస్కారాన్ని అందజేస్తున్న దృశ్యం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.