రాష్ట్రీయం
బాలాపూర్ లడ్డూ రూ.17.60 లక్షలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్ : బాలాపూర్ లడ్డూ ఈసారి 17,60,000 రూపాయల ధర పలికింది. బాలాపూర్ గ్రామానికే చెందిన రైతు కొలను రాంరెడ్డి వేలంలో లడ్డూను దక్కించుకున్నారు. మొత్తం 12 మంది లడ్డూ వేలంలో పాల్గొనగా, వేలం రసవత్తరంగా కొనసాగింది. ఈ కార్యక్రమంలో రాష్ట్ర విద్యాశాఖ మంత్రి, మహేశ్వరం ఎమ్మెల్యే అయిన పట్లోళ్ల సబితా ఇంద్రారెడ్డి, రంగారెడ్డి జిల్లా ప్రజాపరిషత్ చైర్‌పర్సన్ తీగల అనితారెడ్డి తదితరులు పాల్గొన్నారు. వేలం పాటకు వేలాది మంది భక్తులు తరలివచ్చారు. 1994 సంవత్సరంలో మొదటిసారి బాలాపూర్ లడ్డూ వేలం ప్రారంభమైంది. మొట్టమొదటి సారి కొలను మోహన్‌రెడ్డి అనే రైతు 450 రూపాయలకు దక్కించుకున్నారు. మోహన్‌రెడ్డి కుమారుడైన రాంరెడ్డి తాజాగా ఈరోజు లడ్డూను వేలంలో దక్కించుకున్నారు. 1994 నుండి ఇప్పటి వరకు 26 సార్లు లడ్డూ వేలం జరగగా, కొలను కుటుంబ సభ్యులు తొమ్మిది సార్లు లడ్డూను దక్కించుకున్నారు. 2011 లో కొలను సోదరులు 5,45,000 రూపాయలకు లడ్డూను వేలంలో కొనుగోలు చేయగా, ఆ తర్వాత ఏడు సంవత్సరాల తర్వాత మళ్లీ కొలను కుటుంబ సభ్యులు లడ్డూను వేలంలో దక్కించుకున్నారు. బాలాపూర్ లడ్డూకు గొప్ప కథ ఉంది. 2013 లో తీగల కృష్ణారెడ్డి ఈ లడ్డూను వేలంలో 9,26,000 రూపాయలకు దక్కించుకోగా, ఆ మరుసటి సంవత్సరం వినాయక చవితి కంటే ముందే జరిగిన అసెంబ్లీ ఎన్నికల్లో మహేశ్వరం నుండి ఎమ్మెల్యేగా ఎన్నికయ్యారు. గత సంవత్సరం ఈ లడ్డూను 16,60,000 రూపాయలకు బాలాపూర్ మండలం ఆర్యవైశ్య సంఘం అధ్యక్షుడు తేరెటిపల్లి శ్రీనివాస్‌గుప్తా దక్కించుకున్నారు. ఈ సంవత్సరం సరిగ్గాఒక లక్ష రూపాయలు అదనంగా అంటే 17,60,000 రూపాయలు పలికింది.
హైదరాబాద్‌లోనే కాకుండా రాష్ట్రం మొత్తంలో బాలాపూర్ లడ్డూ అత్యధిక ధరకు వేలంలో పోతోంది.
లడ్డూ వేలం ద్వారా వస్తున్న డబ్బును బాలాపూర్ గ్రామంలో ఆలయాలు తదితర అభివృద్ధి కార్యక్రమాలకు వినియోగిస్తున్నారు. హనుమాన్ మందిరం, లక్ష్మీగణపతి ఆలయం, ఉన్నత పాఠశాల, వేణుగోపాల స్వామి ఆలయం, పోచమ్మ దేవాలయం, శివాలయం అభివృద్ధి, మహంకాళి మందిర నిర్మాణం, మల్లన్న మందిర తదితరాలకు వినియోగించారు. ఈ పర్యాయం హైదరాబాద్‌లోని ఫిలింనగర్ ప్రాంతంలో ఉన్న వినాయక నగర్ గణేశుడి లడ్డూ 17,75,000 రూపాయలకు బీజేపీ నాయకుడు పల్లపు గోవర్దన్ పాడారు. ఈ గణేశుడి లడ్డూనే గత ఏడాది కూడా గోవర్దన్ 15,01,116 రూపాయలకు దక్కించుకున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.