రాష్ట్రీయం
విమోచన దినోత్సవాన్ని అధికారికంగా జరిపే వరకూ పోరు : కేంద్ర మంత్రి కిషన్‌రెడ్డి
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 15: ఆర్యసమాజ్ ప్రాచీనమైన వైదిక సంస్థని, సమాజంలో దురాచారాలను పారద్రోలిన సంస్థని కేంద్ర హోంశాఖ సహాయ మంత్రి జీ కిషన్ రెడ్డి అన్నారు. ఆదివారం ఇక్డ ఆయన బేగంపేటలో ఆర్యసమాజ్ ఆశ్రమంలో జరిగిన ప్రతినిధుల సభ కార్యక్రమానికి హాజరయ్యారు. ఈ సందర్భంగా ఆయన మాట్లాడుతూ సత్యం, ధర్మం కోసం భారతీయులను ఏకతాటిపైకి తెచ్చిన సంస్థ ఆర్యసమాజ్ అన్నారు. ఆర్యసమాజ్ స్ఫూర్తితో లాలాలజపతిరాయ్ లాంటి ఎందరో మహానుభావులు దేశం కోసం పనిచేశారన్నారు. గ్రామాల్లోకి రజాకార్లు రాకుండా యువకుల్లో స్ఫూర్తిని నింపి దోపీడీకి అడ్డుకట్టవేసిన సంస్థని ఆయన కొనియాడారు. ఆరస్యసమాజ్ నుంచి ప్రజాపోరాటం, పటేల్ సైనిక చర్యల వల్ల తెలంగాణకు విముక్తి కలిగిందన్నారు. రజాకార్ల వారసులైన నేటి పాలకులు ఈ నెల 17వతేదీన విమోచన దినోత్సవాన్ని జరపడం లేదన్నారు. ఆర్య సమాజ్ వేదికనుంచి తాను కేసీఆర్‌ను ఇదే ప్రశ్న వేస్తున్నట్లు ఆయన చెప్పారు. మనం ఎందుకు తెలంగాణ స్వాతంత్య్ర దినోత్సవాన్ని నిర్వహించడం లేదని, సెప్టెంబర్ 17 అతి ముఖ్యమైనరోజు అని చెప్పారు. జన్మదినాన్ని జరుపుకునే మనం తెఃలంగాణ స్వాతంత్య్ర దినోత్సవాన్ని జరుపుకోలేకపోతున్నామన్నారు. ప్రభుత్వం అధికారికంగా జరిపేంత వరకు పోరాటం ఆగదన్నారు. బీజేపీ ప్రభుత్వం తెలంగాణలో అధికారంలోకి వస్తే విమోచన దినోత్సవాన్ని అధికారికంగా నిర్వహిస్తామన్నారు. ప్రభుత్వ బడుల్లో పాఠ్యాంశాల్లో కూడా చేరుస్తామన్నారు. ఈ కార్యక్రమంలో హిమాచల్ ప్రదేశ్ గవర్నర్ బండారు దత్తాత్రేయ, మాజీ ఎంపీ జీ వివేక్ తదితరులు పాల్గొన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.