రాష్ట్రీయం
590 అడుగులు దాటిన సాగర్ నీటిమట్టం
S ,7 à 8 RSCA (si SASPAS) et 6 cialis pharmacie cialis rapports de stage.
నాగార్జునసాగర్ : నాగార్జునసాగర్ జలాశయ పూర్తిస్థాయి నీటి మట్టం 590 అడుగులు దాటిపోవడంతో బుధవారం రాత్రి నుండి 4 గేట్ల ద్వారా దిగువకు నీటి విడుదల చేస్తున్నారు. మంగళవారం రాత్రి సాగర్ జలాశయ నీటిమట్టం పూర్తి స్థాయికి చేరుకోవడంతో ఎగువ నుంచి వస్తున్న నీటి కంటే సాగర్ జలాశయం నుంచి కుడి, ఎడమ కాల్వ, విద్యుత్ ఉత్పత్తి ద్వారా విడుదల చేస్తున్న నీటి పరిమాణం తక్కువగా ఉండడంతో మంగళవారం రాత్రి నుండి 2 గేట్ల ద్వారా నీటి విడుదలను ప్రారంభించారు. బుధవారం రాత్రి వరకు కూడా 2 గేట్ల ద్వారానే 16,200 క్యూసెక్కులను దిగువకు విడుదల చేశారు. అయితే శ్రీశైలం నుండి 70 వేల క్యూసెక్కుల వరకు నీరు వచ్చి చేరుతుండడంతో సాగర్ జలాశయ నీటి మట్టం 590 అడుగులను మించిపోయింది. దీంతో డ్యాం క్రస్టు గేట్లను మరో 2 గేట్లు పెంచి మొత్తం 4 గేట్లను ఐదు అడుగుల మేరకు ఎత్తి 32,400 క్యూసెక్కుల నీటిని దిగువకు విడుదల చేస్తున్నారు. శ్రీశైలం నుండి నాగార్జునసాగర్‌కు బుధవారం రాత్రి 70,456 క్యూసెక్కులు వస్తుండగా అంతే నీటిని సాగర్ నుండి బయటకు విడుదల చేస్తున్నారు. సాగర్ జలాశయం నుండి విద్యుత్ ఉత్పత్తి ద్వారా 28,258 క్యూసెక్కులు, కుడి కాల్వ ద్వారా 7,778 క్యూసెక్కులు, ఎస్‌ఎల్‌బీసీ ద్వారా 1,800 క్యూసెక్కులు, వరద కాల్వ ద్వారా 300 క్యూసెక్కుల నీరు విడుదల చేస్తున్నారు. శ్రీశైలానికి ఎగువ నుంచి 1,26,250 క్యూసెక్కులు వస్తుండగా ప్రస్తుతం 884.30 అడుగులుగా ఉంది.
ఎడమ కాల్వకు నీరు నిలిపివేత
నాగార్జునసాగర్ జలాశయం నుండి ఎడమ కాల్వకు విడుదల చేస్తున్న నీటిని బుధవారం డ్యాం అధికారులు నిలిపివేశారు. గత 36 రోజులుగా ఎడమ కాల్వకు ఏకధాటిగా నీటి విడుదల కొనసాగిస్తున్నారు. కాగా వారబందీ పద్ధతిలో మొదటి విడత నీటి విడుదలలో భాగంగా 24 రోజులు మాత్రమే నీటి విడుదల చేయాల్సి ఉండగా 36 రోజులు విడుదల చేశారు. దీనిలో భాగంగానే బుధవారం నాడు ఎడమ కాల్వ నీటి విడుదలను నిలిపివేశారు. మరలా 24వ తేదీ నుండి నీటి విడుదలను కొనసాగించనున్నారు.
*చిత్రం...సాగర్‌లో బుధవారం రాత్రి నుంచి 4 గేట్ల ద్వారా విడుదలవుతున్న నీరు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.