రాష్ట్రీయం
వైభవంగా శబరి స్మృతియాత్ర
S ,7 à 8 RSCA (si SASPAS) et 6 cialis pharmacie cialis rapports de stage.
భద్రాచలం టౌన్, అక్టోబర్ 13: భద్రాచలం శ్రీసీతారామచంద్రస్వామి దేవస్థానం ఆధ్వర్యంలో ఆదివారం నిర్వహించిన శబరి స్మృతియాత్ర వైభవంగా జరిగింది. ఈ ఉత్సవంలో కోలాటాలు.. రేలా నృత్యాలతో గిరిజనులు రాములోరి చెంత ఉత్సవం జరిపారు. అపర భక్తురాలైన శబరి వంశస్తులుగా.. సంప్రదాయబద్ధంగా తీరొక్క పూలు, పండ్లు సమర్పించి భక్తితో కొలిచారు. కొండాకోనల నుంచి పిల్లాపాపలతో కదిలొచ్చి.. దక్షిణ అయోధ్యలో మేళతాళాల నడుమ ఊరేగింపు తీసి తరించారు. శ్రీరామచంద్రుడిని దర్శించి.. నిత్యకల్యాణాన్ని కనులారా తిలకించి పులకించిపోయారు. పూర్వకాలంలో రామలక్ష్మణులకు సపర్యలు చేసిన శబరి స్మృత్యర్థం భద్రాచలం శ్రీ సీతారామచంద్రస్వామి దేవస్థానం అధికారులు 7వ సారి స్మృతి యాత్ర నిర్వహించారు. ఆద్యంతం కన్నుల పండువగా ఈ వేడుక జరిగింది. ఆశ్వయుజ శుద్ధ పౌర్ణమిని పురస్కరించుకొని నిర్వహించిన ఈ ఉత్సవంలో ఉభయ తెలుగు రాష్ట్రాల పరిధిలోని పలు గ్రామాల నుంచి తరలివచ్చిన గిరిజనులు వైకుంఠ రామునికి భక్తిపారవశ్యంతో పూజలు చేశారు. సంప్రదాయ కొమ్ము, కోయ నృత్యాలు చేస్తూ స్వామివారి ముందు మూడుసార్లు గిరి ప్రదక్షిణ చేశారు. తొలుత శబరి చిత్రపటానికి పూలమాలలు వేసి నివాళి అర్పించారు. ధ్వజస్తంభం వద్ద ఉన్న బలిపీఠాన్ని గిరిజన మహిళలు పసుపు, కుంకుమలు చల్లి ముగ్గులు వేసి అలంకరించారు. వివిధ రకాల పండ్లు, పుష్పాలను గిరిజనులు తీసుకురాగా దేవస్థానం ఆధ్వర్యంలో ప్రత్యేకంగా మరికొన్ని పండ్లు, పుష్పాలు సమకూర్చారు. శబరి నది నుంచి కలశాల్లో జలాలు తీసుకొచ్చి మేళతాళాలు, వేద పండితులు మంత్రోచ్ఛారణల నడుమ ఆలయ ప్రదక్షిణ జరిపారు. అనంతరం మహిళలు వాటిని చిత్రకూట మంటపానికి తీసుకొచ్చి స్వామివారికి పుష్పార్చన చేశారు. వివిధ రకాల పుష్పాలు, ఫలాలను భక్తశబరి, రామలక్ష్మణులకు సమర్పించారు. ఈ సందర్భంగా ఆలయ అర్చకులు స్వామికి భక్తరామదాసు చేయించిన ఆభరణాలను అలంకరించారు. ‘శ్రీరామ సంపుటి’ గావించారు. ధూప, దీప నైవేద్యాలను సమర్పించిన అనంతరం గిరిజనుల సమక్షంలోనే చిత్రకూట మంటపంలో స్వామివారికి నిత్యకల్యాణ వేడుకను ఘనంగా జరిపారు. అంతకుముందు వాల్మీకి జయంతిని పురస్కరించుకొని విగ్రహం వద్ద విశ్వక్సేనపూజ, పుణ్యాహావచనం చేసి రామాయణ గ్రంథాన్ని షోడశోపచారాలలతో పూజించారు. కార్యక్రమంలో ఆలయ ఈవో తాళ్ళూరి రమేష్‌బాబు తదితరులు గిరిజనులతో కలిసి పూజల్లో పాల్గొన్నారు.
*చిత్రాలు.. భక్త శబరి చిత్రపటంతో ప్రదక్షిణ చేస్తున్న గిరిజనులు
*భద్రాద్రి రామయ్య సన్నిధిలో కొమ్ము డ్యాన్సు చేస్తున్న గిరిజనులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.