రాష్ట్రీయం
స్థానిక సంస్థల ఎన్నికలకు సన్నద్ధత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 19: దేశ సమగ్రతను కాపాడేలా యువతను ఒక శక్తిలా రూపుదిద్దాలని జనసేన పోలిట్‌బ్యూరో నిర్ణయించింది. హైదరాబాద్ జనసేన కార్యాలయంలో జరిగిన పోలిట్‌బ్యూరో తెలుగు రాష్ట్రాల్లో పరిస్థితులు, జాతీయ, అంతర్జాతీయ అంశాలపై విస్తృతంగా చర్చించింది. సమావేశానికి పార్టీ అధ్యక్షుడు పవన్‌కళ్యాణ్ అధ్యక్షత వహించారు. నాదెండ్ల మనోహర్, డాక్టర్ పాపిశెట్టి రామమోహనరావు, అర్హంఖాన్‌లు ఈ సమావేశంలో పాల్గొన్నారు. జాతీయ దృక్పథంతో ప్రాంతీయతను అర్ధం చేసుకుని జాతి సమగ్రతను కాపాడటమే లక్ష్యంగా జనసేన పనిచేస్తోందని అన్నారు. ఆంధ్రాలో ఆర్ధిక పరిస్థితి అతలాకుతలమైందని, ఆంధ్రాలో ఇసుక లభ్యత లేక 35 లక్షల మందికి ఉపాధి కరవైందని, ఎపీపీఎస్సీలో కొత్తగా చేసిన మార్పుల వల్ల గ్రామ సచివాలయ ఉద్యోగాల మాదిరి చేస్తారనే యువతలో ఆందోళన వ్యక్తమవుతోందని పోలిట్‌బ్యూరో అభిప్రాయపడింది. ఎపీపీఎస్సీ ఎంపిక పరీక్షల విధానంలో మార్పులు సరికాదని, శాశ్వత రాజధాని లేని ఆంధ్రప్రదేశ్‌గా తయారుచేసేలా వైకాపా నేతల తీరు ఉందని చివరికి రాజధాని లేకుండా చేస్తారా అంటూ పోలిట్‌బ్యూరో ప్రశ్నించింది. రానున్న స్థానిక సంస్థల ఎన్నికలకు జనసేన సన్నద్ధత కావాలని నిర్ణయించారు. ఆర్టికల్ 370 రద్దు మంచి నిర్ణయమని పేర్కొన్నారు. దేశ ఆర్ధిక పరిస్థితిపైనా పోలిట్‌బ్యూరో సమీక్షించింది. ఎటువంటి చర్యలు చేపడితే ఆర్ధిక మాంద్యం నుండి దేశం బయటపడుతుందో అనే అంశాలపై కూడా సమావేశం దృష్టి పెట్టింది. ఇందుకు కేంద్రానికి మూడు అంశాలను సూచించింది. రోడ్డు పక్కన జరిగే చిన్న చిన్న వ్యాపారులు మొదలు పెద్ద వ్యాపారుల వరకూ సులభతరమైన పద్ధతుల్లో అనుమతులు లభించే విధంగా వ్యవస్థకు రూపకల్పన చేయాలని సమావేశం సూచించింది. అనుమతుల కోసం సింగిల్‌విండో విధానం, ఆర్ధిక సహాయం ఇచ్చేలా ఆర్ధిక వ్యవస్థను రూపొందించాలని పేర్కొంది. పర్యావరణ పరిరక్షణకు అంతా పాటుపడాలని, ఆర్టీసీ సమ్మెను తెలంగాణ సీఎం స్వయంగా పరిష్కరించాలని జనసేన పేర్కొంది. యురేనియం కాలుష్యకారకమని, యురేనియం తవ్వకాల వల్ల చాలా నష్టం వాటిల్లుతుందని జనసేన నేతలు పేర్కొన్నారు. ఆంధ్రాలో ఇసుక కష్టాలు రోజురోజుకూ పెరిగిపోతున్నాయని, రాష్ట్ర రాజధానిని పిల్లికాపురంలా మార్చేస్తున్నారని అన్నారు. ఆంధ్రప్రదేశ్‌లో స్థానిక సంస్థల ఎన్నికలు ఎపుడు నిర్వహించినా పోటీకి సన్నద్ధమే అని పోలిట్‌బ్యూరో పేర్కొంది. స్థానిక సంస్థల ఎన్నికల వ్యూహంపై రామమోహనరావు అధ్యక్షతన గతంలో నియమించిన కమిటీ తమ నివేదికను పోలిట్‌బ్యూరోకు అందించింది. పార్టీ రాజకీయ వ్యవహారాల కమిటీ సంఖ్యను విస్తృత పరచాలని పోలిట్‌బ్యూరో నిర్ణయించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.