రాష్ట్రీయం
ఆర్టీసీ నష్టానికి కేసీఆరే కారణం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 21: ఆర్టీసీ నష్టాలకు ముఖ్యమంత్రి కారణమని బీజేపీ ముఖ్య అధికార ప్రతినిధి కృష్ణసాగరరావు పేర్కొన్నారు. పార్టీ కార్యాలయంలో పాత్రికేయులతో మాట్లాడుతూ కేసీఆర్ నిర్ణయాల వల్ల గత 15 రోజులుగా తెలంగాణ తీవ్ర నష్టానికి గురవుతోందని అన్నారు. ఈ నష్టాలను కేసీఆర్ పూడుస్తారా అని ప్రశ్నించారు. కేసీఆర్ సెల్ఫ్ డిస్మిస్ సీఎంగా చరిత్రకెక్కారని అన్నారు. పిల్లలకు సెలవులు ఎందుకు ఇస్తున్నారో అర్ధం కాని పరిస్థితి ఏర్పడిందని అన్నారు. ఇన్ని కష్టాలకు బాధ్యుడు ఒక్క బాధ్యతారాహిత్యపు వ్యక్తి వల్లనేనని పేర్కొన్నారు. తాత్కాలిక డ్రైవర్లతో చాలా ప్రమాదాలు జరుగుతున్నాయని, సమస్యలు తీర్చమని కేసీఆర్‌ను ఎన్నుకుంటే కొత్త సమస్యలు తీసుకొచ్చారని అన్నారు. చర్చలు జరపడానికి కేసీఆర్‌కి ఏం కడుపునొప్పి అని ప్రశ్నించారు. కొత్త సమస్యలు ఎలా క్రియేట్ చేయాలో ఆలోచించడానికే ఫామ్ హౌస్‌లోకి వెళ్లారని అన్నారు. రాష్ట్రం ఆర్థిక సంక్షోభంలో కూరుకపోయిందని, కేసీఆర్ ఎస్కేపిస్టు ధోరణిని ప్రదర్శిస్తున్నారని అన్నారు. కేసీఆర్ ఈ రాష్ట్రాన్ని అప్పుల కుప్పగా మార్చారని ఆరోపించారు. కేసీఆర్ ఆర్టీసీ ఉద్యోగులపై పగపట్టినట్టు వ్యవహరిస్తున్నారని, ఆర్టీసీ కార్మికులపై ప్రజావ్యతిరేకత పెంచడానికే కేసీఆర్ ఈ సమస్యలను పరిష్కరించడం లేదని, ప్రజాస్వామ్య వ్యవస్థను నడిపే నాయకుడికి పట్టువిడుపులు ఉండాలని అన్నారు. కార్మిక సంఘాలతో వెంటనే చర్చలు జరిపి సమస్యను పరిష్కరించాలని బీజేపీ కోరింది. కాంగ్రెస్ చేస్తోన్న ప్రగతి భవన్ ముట్టడి ఒక డ్రామా అనిపిస్తోందని అన్నారు. ఉత్తమకుమార్ రెడ్డి ప్రతిపక్ష పార్టీ నాయకుడా వాళ్ల సతీమణికి స్టార్ క్యాంపెయినరా అని ప్రశ్నించారు. 16 రోజులుగా ఆర్టీసీ సమ్మె జరుగుతుంటే కాంగ్రెస్ నేతలు ఎక్కడున్నారని ప్రశ్నించారు. ఆర్టీసీ సమ్మె విషయంలో కాంగ్రెస్‌కు, టీఆర్‌ఎస్‌కూ ఏదో ఒక డీల్ కుదిరినట్టు అనిపిస్తోందని అన్నారు. ఆర్టీసీ కార్మికులతో చర్చలు ఎందుకు జరపడం లేదో సీఎం వివరణ ఇవ్వాలని కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.