రాష్ట్రీయం
గెలుపు గులాబీదే!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 21: హుజూర్‌నగర్ ఉప ఎన్నికలో తెలంగాణ రాష్ట్ర సమితినే విజయం సాధించబోతుందని ఎగ్జిట్ పోల్స్ నిర్వహించిన వివిధ సంస్థలు ప్రకటించాయి. పోలీసు ఇంటెలిజెన్స్ వర్గాలు కూడా టీఆర్‌ఎస్‌యే గెలవబోతోందని ప్రభుత్వానికి నివేదిక పంపించినట్టు విశ్వసనీయ సమాచారం. హుజూర్‌నగర్‌లో తమ అభ్యర్థి శానంపూడి సైదిరెడ్డి గౌరవప్రదమైన మెజార్టీ సాధించబోతున్నట్టు టీఆర్‌ఎస్ వర్కింగ్ ప్రెసిడెంట్, మంత్రి కల్వకుంట్ల తారక రామారావు తన ట్విట్టర్‌లో పేర్కొన్నారు. పార్టీ శ్రేణుల నుంచి అందిన సమాచారం ప్రకారం తమ అభ్యర్థి సైదిరెడ్డి విజయం ఖాయమని ఆయన పేర్కొన్నారు. నెల రోజులుగా క్షేత్రస్థాయిలో పార్టీ అభ్యర్థి విజయం కోసం కష్టపడిన ప్రతి కార్యకర్తకు కేటీఆర్ ట్విట్టర్ ద్వారా ధన్యవాదాలు తెలిపారు.
ఇదిలావుండగా మిషన్ చాణక్య సంస్థ నిర్వహించిన ఎగ్జిట్ పోల్స్‌లో హుజూర్‌నగర్ ఉప ఎన్నికలో టీఆర్‌ఎస్ 53.73 శాతం, కాంగ్రెస్ 41.04 శాతం, టీడీపీ 2.21 శాతం, బీజేపీ 1.17 శాతం, ఇతరులు 1.84 శాతం ఓట్లు సాధించనున్నట్టు పేర్కొంది. అదేవిధంగా ‘ఆరా’ సంస్థ నిర్వహించిన ఎగ్జిట్ పోల్స్‌లో టీఆర్‌ఎస్ 50.48 శాతం, కాంగ్రెస్ 39.95 శాతం, ఇతరులు 9.57 శాతం ఓట్లు సాధించనున్నట్టు పేర్కొంది. టీఆర్‌ఎస్ తరఫున సైదిరెడ్డి, కాంగ్రెస్ తరఫున పద్మావతిరెడ్డి, టీడీపీ తరఫున చావా కిరణ్మయి, బీజేపీ తరఫున కోట రామారావు బరిలో నిలిచిన విషయం తెలిసిందే. ఓట్ల లెక్కింపు ఈ నెల 24న జరగనుంది.
*చిత్రం... టీఆర్‌ఎస్ వర్కింగ్ ప్రెసిడెంట్, మంత్రి కల్వకుంట్ల తారక రామారావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.