రాష్ట్రీయం
మాట నిలబెట్టుకున్న సీఎం
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, నవంబర్ 6: వారంలోపు తనను ఆలయ ప్రధానార్చకులుగా నియమిస్తామని ముఖ్యమంత్రి జగన్మోహన్ రెడ్డి తనకు హామీ ఇచ్చారని, అందుకే ఆగమ సలహాదారుగా బాధ్యతలు స్వీకరిస్తున్నట్లు డాక్టర్ రమణదీక్షితులు తెలిపారు. గత యేడాది జూన్ మాసంలో రమణదీక్షితులను ఆలయ ప్రధానార్చకుల విధుల నుంచి టీటీడీ ఆకస్మికంగా తొలగించి ఉద్యోగవిరమణ ఇచ్చిన విషయం పాఠకులకు విదితమే. అనంతరం డాక్టర్ రమణదీక్షితులు పలుమార్లు విలేఖరుల ముందుకు వచ్చినా గత కొంతకాలంగా వౌనం వహిస్తూవచ్చారు. ఈ నేపథ్యంలో రమణ దీక్షితులను ఆగమ సలహాదారుగా నియమిస్తూ టీటీడీ యాజమాన్యం ఉత్తర్వులు జారీ చేసింది. ఈక్రమంలో ఆయన బుధవారం విలేఖరులతో మాట్లాడుతూ అర్చకులకు 65 సంవత్సరాల వయోపరిమితికే విధుల నుంచి తప్పుకోవాలని ఆగమ శాస్త్రాల్లో కానీ, చట్టంలోకానీ నిబంధన ఏదీ లేదన్నారు. గత టీడీపీ కొత్తచట్టాన్ని అర్చకులను బలవంతంగా ఉద్యోగ విరమణ ఇప్పించారన్నారు. శ్రీవారికి అనాదికాలం నుంచి 4 కుటుంబాలు అర్చకులు స్వామివారి కైంకర్యాలను ఎలాంటి ఆటంకం లేకుండా నిర్వహిస్తూ వచ్చారన్నారు. 1987లో వంశపారంపర్య అర్చకత్వాన్ని రద్దుచేస్తూ అప్పటి ప్రభుత్వం చట్టం తీసుకువచ్చిందన్నారు. దీంతో వేలాదిమంది అర్చక కుటుంబాలు రోడ్డున పడ్డాయన్నారు. అయితే 2004లో ముఖ్యమంత్రిగా బాధ్యతలు స్వీకరించిన వైఎస్ రాజశేఖర్ రెడ్డి చట్ట సవరణ చేసి వంశపారంపర్య హక్కులను అర్చకులకు కల్పించాలన్నారు. అయితే తాజాగా టీటీడీ అర్చకులకు ఉద్యోగవిరమణ ప్రకటించిందన్నారు. వైఎస్ జగన్ అధికారంలోకి రాగానే అర్చకులకు ఉద్యోగ విరమణ విధానాన్ని రద్దుచేసి మాట నిలబెట్టుకున్నారన్నారు. తనతోపాటు ఇతర వంశపారంపర్య
అర్చకులకు గతంలో లాగానే యధాస్థానాన్ని తిరిగి కేటాయిస్తారని టీటీడీ కూడా హామీ ఇచ్చిందన్నారు. అందుకేతాను ఆగమ సలహామండలి సభ్యులుగా బాధ్యతలు స్వీకరించారన్నారు. బ్రాహ్మణులు అర్చకుల సంక్షేమార్థం జగన్ అమలుచేస్తున్న కార్యక్రమాలు హర్షణీయం అన్నారు. జగన్ అధికారంలోకి వచ్చినప్పటినుంచి ఆయన మంచి సుపరిపాలన అందిస్తున్నారని, రాష్ట్రంలో గతంలో ఎన్నడూలేని విధంగా జలాశయాలు కూడా పరిపూర్ణంగా నిండటం ద్వారా భగవంతుని ఆశీస్సులు కూడా జగన్‌కు ఉన్న విషయం తేట తెల్లమైందన్నారు. మరో 30 సంవత్సరాలు జగన్ సీ ఎంగా ఉండాలని తాను దేవుణ్ణి ప్రార్థిస్తున్నారన్నారు.
*చిత్రం... తిరుపతిలో బుధవారం విలేఖరులతో మాట్లాడుతున్న టీటీడీ ఆగమ సలహాదారు రమణ దీక్షితులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.