రాష్ట్రీయం
రాజకీయాలకు అతీతంగా ఉద్యమానికి మద్దతు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 23: రాజకీయాలకు అతీతంగా, తెలుగు జాతిలో పుట్టిన ప్రతి ఒక్కరూ తెలుగు భాష పరిరక్షణ కోసం ఉద్యమించే వారికి మద్దతు పలకాలని ఆంధ్రప్రదేశ్ శాసనమండలి మాజీ ఉప సభాపతి మండలి బుద్ధ ప్రసాద్ పిలుపునిచ్చారు. ఒక రాజకీయ పార్టీగా మాతృ భాష విషయంలో జనసేన అధినేత పవన్‌కళ్యాణ్ తీసుకుంటున్న నిర్ణయాన్ని స్వాగతిస్తున్నామని అన్నారు. ఈ విషయంలో మిగిలిన పార్టీలు కూడా ఆయనను అనుసరిస్తే భాషకు మహోపకారం చేసిన వారవుతారని అన్నారు. శనివారం మధ్యాహ్నం హైదరాబాద్ ప్రశాసన్‌నగర్‌లోని జనసేన పార్టీ కార్యాలయంలో సినీ గేయ రచయిత జొన్నవిత్తుల రామలింగేశ్వరరావుతో కలిసి పవన్‌కళ్యాణ్‌ను కలిశారు. తెలుగు భాష పరిరక్షణకు చేపట్టిన మన నుడి-మన నది కార్యక్రమానికి మద్దతు పలికారు. తెలుగు భాషతో పాటు నదీ పరిరక్షణకు చేపట్టాల్సిన పలు అంశాలపై చర్చించారు. అనంతరం బుద్ధప్రసాద్ మాట్లాడుతూ పవన్‌కళ్యాణ్ తెలుగు భాష పరిరక్షణకు నడుంకట్టిన సందర్భంగా తెలుగు భాషాభిమానిగా హృదయపూర్వకంగా అభినందిస్తున్నానని అన్నారు. తెలుగు భాష మనుగడకు ఉద్యమించాల్సిన పరిస్థితులను ప్రభుత్వం కల్పించిందని, ఈ సవాలును మనం ధీటుగా ఎదుర్కొని జాతిని మేల్కొలిపి, భాషను సంరక్షించుకుని జాతిని నిలబెట్టుకోవడానికి ప్రతి ఒక్కరూ ప్రయత్నించాలని అన్నారు. జొన్నవిత్తుల మాట్లాడుతూ పవన్‌తో భాషాభివృద్ధికి సంబంధించి అనేక విషయాలను చర్చించామని అన్నారు. బలమైన సంకల్పంతో తెలుగు భాష పరిరక్షణ, నదుల కాలుష్యాన్ని నివారించేందుకు కంకణం కట్టుకున్నారని, అన్నివర్గాల వారూ ప్రకృతి ప్రేమికలు, భాషాప్రేమికులు, పండితులు, కవులు కలిసి రావాలని అన్నారు. ఆంగ్లమాద్యమంలో జాతి కొట్టుకుపోకుండా తెలుగు భాషతో పాటు ఆంగ్ల భాషను మన విద్యార్థులకు ఎలా అందించాలి? మన తెలుగు సంస్కృతిని సంప్రదాయాలను నిలుపుకోవడం ఎలా అనేది చర్చించామని చెప్పారు.
*చిత్రం...హైదరాబాద్‌లో శనివారం జనసేన అధినేత పవన్ కళ్యాణ్‌ను కలసిన ఆంధ్రప్రదేశ్ శాసనమండలి మాజీ ఉప సభాపతి మండలి బుద్ధ ప్రసాద్, సినీ రచయిత జొన్నవిత్తుల
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.