రాష్ట్రీయం
పెద్దశేష వాహనంపై పద్మావతీదేవి
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, నవంబర్ 24 : తిరుచానూరు శ్రీ పద్మావతి అమ్మవారి కార్తీక బ్రహ్మోత్సవాల్లో రెండో రోజైన ఆదివారం ఉదయం వైకుంఠనాథ స్వామి అలంకారంలో అమ్మవారు ఏడు తలల పెద్దశేష వాహనంపై శంకు, చక్రాలు, గదను చేతబూని భక్తులకు దర్శనమిచ్చారు. లక్ష్మీ సహితుడైన శ్రీవారికి దాసుడిగా, సఖుడిగా, శయ్యగా, సింహాసనంగా, ఛత్రంగా సమయోచితంగా పెద్దశేషుడు సేవలందిస్తారు. అభయ వరదహస్తమైన శ్రీవారి పట్టమహిషి అలిమేలుమంగకు వాహనమై తన విశేష జ్ఞానబలాలకు తోడైన దాస్యభక్తిని తెలియజేశారు. సర్పరాజైన శేషుని వాహన సేవలను తిలకించిన వారికి యోగశక్తి కలుగుతుంది. వాహనం ముందుభాగాన అశ్వాలు, వృషభాలు, గజాలు ఠీవిగా ముందుకు కదులుతుండగా మంగళవాయిద్యాలు, భక్తుల కోలాటాలు, భజనల నడుమ అమ్మవారు నాలుగు మాడవీధుల్లో భక్తులకు అభయప్రదానం చేశారు. పెద్దసంఖ్యలో తరలివచ్చిన భక్తులు అమ్మవారికి నారికేళం, కర్పూర హారతులు సమర్పించి అమ్మవారిని సేవించుకున్నారు. వాహన సేవలో పెద్దజీయర్ స్వామి, చిన్న జీయర్‌స్వామి, టీటీడీ అదనపు సీవీఎస్‌వో శివకుమార్‌రెడ్డి, విఎస్‌వో ప్రభాకర్, ఆలయ
డిప్యూటీ ఈవో ఝాన్సీరాణి, పాంచరాత్ర ఆగమ సలహాదారు శ్రీనివాసాచార్యులు, ఏఈవో సుబ్రహ్మణ్యం, సూపరింటెండెంట్ గోపాలకృష్ణారెడ్డి, ఏవీఎస్‌వో నందీశ్వర్ రావు, ఆర్జితం ఇన్‌స్పెక్టర్ కోలా శ్రీనివాసులు, ఇతర అధికారులు పాల్గొన్నారు.
వేడుకగా స్నపన తిరుమంజనం
శ్రీ పద్మావతి అమ్మవారి కార్తీక బ్రహ్మోత్సవాల్లో భాగంగా ఆదివారం అమ్మవారికి స్నపన తిరుమంజనాన్ని వేడుకగా నిర్వహించారు. శ్రీ పద్మావతి అమ్మవారి ఆలయంలోని ధ్వజమండపం, గర్భాలయం, శ్రీ కృష్ణ స్వామివారి ఆలయం, శ్రీ సుందర వరదరాజ స్వామి ఆలయం, వాహనమండపం, ఆస్థాన మండపంలో టీటీడీ గార్డెన్ విభాగం ఆధ్వర్యంలో వివిధ రకాల పుష్పాలతో సుందరంగా అలంకరించారు.
*చిత్రం... ఆదివారం రాత్రి సరస్వతీ దేవి అలంకారంలో దర్శనమిచ్చిన తిరుచానూరు శ్రీ పద్మావతి అమ్మవారు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.