రాష్ట్రీయం
నీటి విడుదలపై ఆదేశాలు అందలేదు
S ,7 à 8 RSCA (si SASPAS) et 6 cialis pharmacie cialis rapports de stage.
సీలేరు, డిసెంబర్ 8: సీలేరు నుంచి గోదావరి డెల్టాకు నీటి విడుదలపై ప్రభుత్వం నుండి ఇంకా ఎలాంటి ఆదేశాలు రాలేదని ఎపి జెన్‌కో చీఫ్ ఇంజనీర్ కుమార్ బాబు తెలిపారు. మంగళవారం సీలేరు పవర్‌ప్లాంట్ కాంప్లెక్స్‌లో పర్యటించారు. సీలేరులో విద్యుత్ ఉత్పత్తి అనంతరం నీటిని విడుదల చేసేందుకు సిద్ధంగా ఉన్నామన్నారు. సీలేరు కాంప్లెక్స్‌లో ప్రస్తుతం 45 టిఎంసిల నీటి నిల్వలున్నాయన్నారు. సాధారణంగా విద్యుత్ ఉత్పత్తి అనంతరం గోదావరి డెల్టాకు డొంకరాయి కెనాల్ నుంచి నీటిని విడుదల చేస్తామన్నారు. గత ఏడాది మాదిరిగానే ఈ ఏడాది కూడా నీరు ఇవ్వడానికి సిద్ధంగా ఉన్నామన్నారు. సీలేరు కాంప్లెక్స్‌లో నీటి నిల్వలు పుష్కలంగా ఉన్నాయన్నారు. ప్రస్తుతం సీలేరు కాంప్లెక్స్‌లో ఉన్న జల విద్యుత్‌కేంద్రాలన్నీ విద్యుత్ ఉత్పత్తికి సిద్ధంగా ఉన్నాయన్నారు.
బాక్సైట్ తవ్వకాలు అడ్డుకుంటాం: వైకాపా
చింతపల్లి, డిసెంబర్ 8: ఆదివాసీల బతుకులకు ఛిద్రం చేసే బాక్సైట్ తవ్వకాలను అడ్డుకునే శక్తి వైఎస్సార్ కాంగ్రెస్ పార్టీ అధినేత వైఎస్ జగన్మోహన్‌రెడ్డికి మాత్రమే ఉందని ఆ పార్టీ రాష్ట్ర ప్రధాన కార్యదర్శి విజయసాయిరెడ్డి అన్నారు. ఈనెల 10న విశాఖ ఏజెన్సీలోని చింతపల్లిలో జగన్ పాల్గొనే బాక్సైట్ వ్యతిరేక సభా స్థలాన్ని వైకాపా నేతలు మంగళవారం పరిశీలించారు. అనంతరం స్థానిక కాఫీ అతిథి గృహంలో విలేఖరులతో మాట్లాడుతూ బాక్సైట్‌పై రాష్ట్ర ముఖ్యమంత్రి చంద్రబాబునాయుడు విడుదల చేసిన శే్వతపత్రంలో ఒక్క వాస్తవం కూడా లేదన్నారు. దివంగత వైఎస్సార్ హయాంలో బాక్సైట్ ఒప్పందాలు జరిగాయనే ఆరోపణలతో ప్రజలను చంద్రబాబు మభ్యపెడుతున్నారన్నారు. వాస్తవానికి తెలుగుదేశం హయాంలోనే ఈ ఒప్పందాలు తెరపైకి తెచ్చారన్నారు. 4,500 హెక్టార్లలో విస్తరించి ఉన్న ఈ ముడి ఖనిజం విలువ లక్షల కోట్ల రూపాయల్లో ఉండడంతో ప్రతిపక్షంలో ఉండగా వ్యతిరేకించిన చంద్రబాబు అధికారంలోకి రాగానే తవ్వకాల జీవోను విడుదల చేసి తన నైజం నిరూపించుకున్నారన్నారు. ఎమ్మెల్సీ ఉమారెడ్డి వెంకటేశ్వర్లు మాట్లాడుతూ గిరిజనులకు పీసా, 1/70, గిరిజన అడ్వయిజరీ కమిటీ వంటి చట్టాలున్నా వాటిని తుంగలోకి తొక్కి చంద్రబాబు తవ్వకాలకు పాల్పడుతున్నారన్నారు. తవ్వకాలను ఆపేందుకే జగన్ ఈనెల 10న చింతపల్లిలో బాక్సైట్ వ్యతిరేక సభను నిర్వహిస్తున్నారన్నారు . గిరిజనుల పక్షాన పోరాడే ఈసభను విజయవంతం చేయాలని వై ఎస్సార్ పార్టీ నేతలు కోరారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.