రాష్ట్రీయం
ఎండ ప్రచండం!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఏప్రిల్ 23: తెలుగు రాష్ట్రాల్లో ఉష్ణోగ్రతలు తీవ్రంగా పెరగడంతో నిప్పుల కొలిమిలా మారాయి. ప్రచండ భానుడు కురిపిస్తున్న నిప్పుల వర్షానికి జనం అల్లాడి పోతున్నారు. ఒక వైపు ఎండ తీవ్రత, మరో వైపు వడగాడ్పుల విభృంభించడంతో వృద్ధులు, చిన్న పిల్లలు తట్టుకోలేకపోతున్నారు. కర్మాగారాల్లో పని చేసే కార్మికులు, నిత్యం రోడ్లపై తిరిగే ఆర్టీసి బస్ డ్రైవర్, కండక్టర్లు వంటి వారు వడగాడ్పులు, అధిక ఉష్ణోగ్రతలతో విధి నిర్వహణ ప్రాణాంతకంగా మారింది. కర్మాగారాల్లో పని చేసే వారు తీవ్ర అలసటకు గురవుతున్నారు. యంత్రాల వేడికి తోడు మండుతున్న ఎండలు సగటు కార్మికులను తీవ్ర ఇబ్బందులకు గురి చేస్తోంది. తెలంగాణలో గతంలో నమోదైన గరిష్ట ఉష్ణోగ్రతలను అధిగమిస్తున్నాయి. ఎల్‌నినో ప్రభావం పతాక స్థాయికి చేరడంతో 20 ఏళ్లలో లేని విధంగా గరిష్ట స్థాయి ఉష్ణోగ్రతలు ఏప్రిల్‌లోనే నమోదవుతున్నాయని వాతావరణ శాఖ అధికారులు చెబుతున్నారు. వాతావరణ శాఖ అధికారిక సమాచారం మేరకు శనివారం తెలంగాణ రాష్ట్రంలో సగం ప్రాంతాల్లో ఉష్ణోగ్రతలు 45, 44 డిగ్రీల ఉష్ణోగ్రతకు చేరాయి. భద్రాచలం, ఖమ్మం, నల్గొండలో అధికంగా 45 డిగ్రీలకు చేరితే, ఆదిలాబాద్, మహబూబ్‌నగర్, రామగుండంలో 44 డిగ్రీలకు చేరుకుంది. మిగిలిన ప్రాంతాల్లో హకీంపేట 42 తప్ప అన్ని చోట్ల 43 డిగ్రీలకు చేరుకుంది. అయితే ఖమ్మం, మణుగూరు, కొత్తగూడెం ప్రాంతాల్లో స్థానిక వర్గాల సమాచారం మేరకు 47 డిగ్రీలు నమోదైనట్లు చెబుతున్నారు. ఉష్ణోగ్రతల తీవ్రతను లెక్కించే వాతావరణ శాఖ అబ్జర్వేటరీలు అన్నిచోట్ల లేక పోవడంతో మణుగూరు, సత్తుపల్లి, కొత్తగూడెంలో అధికంగా ఉష్ణోగ్రతలు 47 డిగ్రీలకు చేరినా లెక్కలోకి రావడం లేదని తెలుస్తోంది. అధిక ఉష్ణోగ్రతల ప్రభావానికి ఆయా ప్రాంతాలు అగ్నిగుండంగా మారడంతో ప్రజలు బెంబేలెత్తిపోతున్నారు. భారీగా పెరిగిన ఉష్ణోగ్రతల ప్రభావంతో రెక్కాడితే గానీ డొక్కాడని కూలీల నిత్య జీవనం నరక ప్రాయంగా మారింది. వ్యవసాయ కార్మికులు వ్యవసాయ క్షేత్రాల్లో పని చేయలేని పరిస్థితి నెలకొంది. ఇక శనివారం ఆంధ్రప్రదేశ్‌లోనూ నాలుగు చోట్ల 44 డిగ్రీల ఉష్ణోగ్రత నమోదైతే అధికంగా 45 డిగ్రీల ఉష్ణోగ్రత జంగమేశ్వరంలో నమోదైంది. ఎండాకాలంలో ఎండలు తీవ్రంగా ఉండే మాట వాస్తవమే అయినా, ఏప్రిల్ నెలలోనే ఈ స్థాయిలో ఎండలు ముదిరిపోవడం పట్ల ప్రజలు భయంతో వణికిపోతున్నారు. వాతావరణ శాఖ అంచనా ప్రకారం ఎండల తీవ్రత మరికొన్ని రోజులు ఇలాగే కొనసాగే అవకాశం ఉంది. నైరుతి రుతుపవనాలు జూన్‌లో రాష్ట్రంలో ప్రవేశించే వరకు కొంచెం ఎక్కువ, తక్కువగా ఉన్నప్పటికీ ఇదేస్థాయిలో ఉష్ణోగ్రతలు కొనసాగే అవకాశం ఉంటుందని వాతావరణ శాఖ వెల్లడించింది. రానున్న రోజుల్లో రెండు తెలుగు రాష్ట్రాల్లో కొన్ని ప్రాంతాల్లో 50 డిగ్రీలకు ఉష్ణోగ్రత చేరుకునే అవకాశం ఎల్‌నినో ప్రభావం వల్ల ఉంటుందని వాతావరణ శాఖ అంచనా వేస్తోంది. రానున్న నాలుగైదు రోజుల పాటు పశ్చిమ, వాయువ్య వేడిగాలుల ప్రభావంతో వడగాడ్పుల తీవ్రత మరింత పెరుగుతుందని అంచనా వేస్తున్నారు. దీంతో ప్రజలు వడగాల్పుల బారిన పడకుండా తగిన జాగ్రత్తలు తీసుకోవాలని సూచిస్తున్నారు.
చిత్రం ఎండదెబ్బకు విశాఖలో జనం ముసుగు ప్రయాణాలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.