రాష్ట్రీయం
అమరావతి.. అభివృద్ధికి చుక్కాని
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, మే 12: రాజధాని అమరావతిని పూర్తిస్థాయిలో అభివృద్ధి చేసేందుకు సిఆర్‌డిఏ సుమారు 40 వేల కోట్ల రూపాయలతో బృహత్ ప్రణాళికను సిద్ధం చేసింది. 2020 నాటికి అమరావతికి అన్ని హంగులు కల్పించాలని నిర్ణయించింది. ఇందుకు సంబంధించి బ్రిటిష్ సంస్థ నుంచి రుణాన్ని తీసుకోవాలని భావిస్తోంది.
అమరావతి చుట్టూ 210 కిలోమీటర్ల పరిధిలో ఎనిమిది లేన్‌ల ఔటర్ రింగ్‌రోడ్డును 19,260 కోట్ల రూపాయలతో ఏర్పాటు చేయడానికి ప్రణాళిక సిద్ధం చేసింది. విజయవాడ-అమరావతి మధ్య మొదటి దశ మెట్రో లైన్ నిర్మాణాన్ని సుమారు 4,882 కోట్ల రూపాయలతో ఏర్పాటు చేయాలని భావిస్తోంది. అలాగే అమరావతి నగరాన్ని ఆనుకుని ఉన్న కృష్ణా నదీ పరీవాహక ప్రాంతాన్ని పూర్తి స్థాయిలో సుందరీకరించి, అభివృద్ధి చేయడానికి 3,014.19 కోట్ల రూపాయలు ఖర్చవుతుందని అంచనా వేసింది. అలాగే రాజధాని నగరంలో అన్ని అండర్‌గ్రౌండ్ కేబుల్ వ్యవస్థను ఏర్పాటు చేసి వాటిపై 306 కిలో మీటర్ల మేర రోడ్డు నిర్మించడానికి సుమారు 2,359 కోట్ల రూపాయలు ఖర్చవుతుందని నిర్ణయించింది. రాజధాని ప్రాంతానికి వరద ముప్పు పొంచి ఉన్న సంగతి తెలిసిందే. దీన్ని అరికట్టడానికి 2,214 కోట్ల రూపాయలతో ప్రణాళికను సిద్ధం చేసింది.
రాజధానిలోని వ్యర్థ జలాన్ని శుద్ధి చేయడానికి 208 ఎంఎల్‌డి ప్లాంట్‌ను సుమారు 2080 కోట్ల రూపాయలతో ఏర్పాటు చేయాలని భావిస్తోంది. రాజధాని అమరావతిలో 660 కిలో మీటర్ల పరిధిలో నీటి సరఫరా వ్యవస్థ రూపకల్పనకు 260 ఎంఎల్‌డి ప్లాంట్ అవసరమవుతుందని భావిస్తోంది. ఇందుకు 1,396 కోట్ల రూపాయలు ఖర్చు చేయబోతోంది. 1203.75 కోట్ల రూపాయలతో వెయ్యి మెగావాట్ల విద్యుత్ వ్యవస్థను ఏర్పాటు చేయాలని నిర్ణయించింది. అలాగే ప్రభుత్వ ఉద్యోగులకు గృహాలను నిర్మించడానికి 1059 కోట్ల రూపాయలు ఖర్చవుతుందని నిర్ణయించింది.
అదే విధంగా 140 హెక్టార్లలో ఇండస్ట్రియల్ జోన్‌ను 674.10 కోట్ల రూపాయలతో ఏర్పాటు చేయనున్నారు. 24 కిలో మీటర్ల మేర రెండు ఆరులైన్ల ఎక్స్‌ప్రెస్ లైన్‌ను 577.80 కిలో మీటర్ల మేర నిర్మించాలని సిఆర్‌డిఏ ప్రణాళిక సిద్ధం చేసింది. 100 హెక్టార్లలో 481.50 కోట్లతో నాలెడ్జ్ సిటీ నిర్మాణానికి ప్రణాళిక సిద్ధం చేసింది. 250 కోట్లతో ఇంటర్నేషనల్ స్టేడియం, కనెన్షన్ సెంటర్‌ను నిర్మించడానికి రూపకల్పన చేసింది. ప్రతి రోజు 250 టన్నుల చెత్తను సేకరించి సాలిడ్ వేస్ట్ మేనేజ్‌మెంట్ కింద శుద్ధి చేయడానికి 240 కోట్లు ఖర్చువుతుందని సిఆర్‌డిఏ పేర్కొంది.
ఆంధ్రప్రదేశ్ రాజధాని అమరావతి నమూనా చిత్రం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.