రాష్ట్రీయం
కెసిఆర్, జగన్ ఇద్దరూ దొంగలే
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 17: తెలంగాణ ముఖ్యమంత్రి కె.చంద్రశేఖర్ రావు, వైఎస్సార్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డి ఇద్దరూ దొంగలేనని బిజెపి తెలంగాణ రాష్ట్ర శాఖ అధ్యక్షుడు డాక్టర్ కె. లక్ష్మణ్ మండిపడ్డారు. కరవు సహాయక చర్యలు చేపట్టడంలో ప్రభుత్వ నిర్లక్ష్యానికి నిరసనగా మంగళవారం బిజెపి రాష్ట్ర శాఖ ఇందిరాపార్కు వద్ద ధర్నా నిర్వహించింది. ఈ సందర్భంగా డాక్టర్ లక్ష్మణ్ ప్రసంగిస్తూ కెసిఆర్, జగన్‌పై నిప్పులు చెరిగారు. సెంటిమెంట్‌ను రగిలించి రాజకీయ లబ్ది పొందాలని ప్రయత్నిస్తున్నారని ఆయన విమర్శించారు. ఈ మేరకు మ్యాచ్ ఫిక్సింగ్ చేసుకున్నారని, ఇందులో భాగంగానే జగన్ కర్నూలులో దీక్ష చేపట్టారని ఆయన విమర్శించారు. కూలీలకు తక్కువ పని రోజులు, తక్కువ కూలీ అందిస్తున్నదని ఆయన రాష్ట్ర ప్రభుత్వాన్ని విమర్శించారు. కరవు మండలాల్లో పన్నులు రద్దు చేయాలని ఆయన డిమాండ్ చేశారు. ప్రభుత్వానికి జ్ఞానోదయం కలిగించాలని నిజామాబాద్ నుంచి రైతు హైదరాబాద్‌కు వచ్చి ట్యాంక్‌బండ్‌పై ఉరి వేసుకుంటే మంత్రులు హేళన చేశారని ఆయన ఆవేదన వ్యక్తం చేశారు. ఉపాధి పనులు లేకపోవడంతో రైతులు కూలీలుగా మారుతున్నారని, వలస బాట పడుతున్నారని ఆయన తెలిపారు. రైతుల ఆత్మహత్యల నివారణకు ప్రభుత్వం చర్యలు తీసుకోకుండా, ఆత్మహత్య చేసుకున్న కుటుంబాలకు ఆర్థిక సహాయం అందిస్తున్నామని చెప్పడం సిగ్గుచేటని అన్నారు. రాష్ట్ర ప్రభుత్వం కేంద్రం నుంచి ఎక్కువ మొత్తంలో నిధులు రాబట్టేందుకు చేసే ప్రయత్నానికి తామూ సహకరిస్తామని డాక్టర్ లక్ష్మణ్ తెలిపారు.
ఎమ్మెల్యే జి. కిషన్ రెడ్డి ప్రసంగిస్తూ ఇంతకాలం తెలంగాణ ధనిక రాష్టమ్రంటూ చెప్పిన ముఖ్యమంత్రి కెసిఆర్ ఇప్పుడు కరవు నివారణకు, రైతుల వలసల నివారణకు ఎందుకు చర్యలు చేపట్టడం లేదని ప్రశ్నించారు. ధర్నాలో కార్యకర్తలు పెద్ద సంఖ్యలో పాల్గొన్నారు.
హైదరాబాద్‌లో మంగళవారం పార్టీ నిర్వహించిన ధర్నాలో పాల్గొని ఎడ్లకు మేత తినిపిస్తున్న బిజెపి నేతలు లక్ష్మణ్, కిషన్‌రెడ్డి తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.