రాష్ట్రీయం
వాయిదాతో మరో తంటా
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 20: ఐదేళ్లుగా వివాదాస్పదంగా ఉన్న నేషనల్ ఎలిజిబిలిటీ కమ్ ఎంట్రన్స్ టెస్టు (నీట్)ను వచ్చే ఏడాది వరకూ వాయిదా వేయాలని కేంద్రం నిర్ణయించడంతో తెలుగు రాష్ట్రాల్లోనే కాకుండా చాలా రాష్ట్రాల్లో సరికొత్త సమస్యలు మొదలయ్యాయి. చాలా రాష్ట్రాల్లో ఇప్పటికే మెడికల్ నోటిఫికేషన్‌లను జారీ చేసి సుప్రీంకోర్టు తీర్పుతో వాటిని పక్కన పెట్టేసిన సంస్థలు, రాష్ట్రాలు మరోమారు నోటిఫికేషన్ ఇవ్వాల్సిన అవసరం ఏర్పడింది. ఆంధ్రలో ఎమ్సెట్ రాసినపుడు ఇంత గందరగోళం లేకపోవడంతో పరీక్ష సజావుగా జరిగినా, ఫలితాలు మాత్రం వాయిదాపడ్డాయి. తెలంగాణలో మాత్రం పరీక్ష జరిగేందుకు ముందే మెడికల్, డెంటల్ అడ్మిషన్లు ఎమ్సెట్ మెడికల్ స్ట్రీం ద్వారా జరగబోవని ప్రభుత్వం స్పష్టం చేయడంతో ఇపుడు మరోమారు ప్రవేశపరీక్ష నిర్వహించాల్సిన అగత్యం ఏర్పడింది. దీంతో మెడికల్, డెంటల్ కోర్సుల ప్రవేశానికి నిర్వహించే పరీక్షకు త్వరలోనే తేదీలను ప్రకటిస్తామని మంత్రి లక్ష్మారెడ్డి తాజాగా ప్రకటించారు. మరోపక్క ఈ ఏడాదే నీట్ పరీక్ష రాయక తప్పదేమోనన్న ఆతృతతో కోచింగులకు చేరిన పిల్లలంతా మళ్లీ గందరగోళంలో పడ్డారు. నీట్ పుస్తకాలను పక్కనపెట్టేసి, మళ్లీ ఎమ్సెట్ సిలబస్ దుమ్ము దులుపుతున్నారు.
మేనేజిమెంట్ కోటా సీట్లపై అస్పష్టత
ఇదిలావుంటే, మేనేజిమెంట్ కోటా సీట్లను ఆయా సంస్థల యాజమాన్యాలకే అప్పగించాలా? లేక ఆన్‌లైన్‌లో ఎమ్సెట్ మెడికల్ స్ట్రీం ఆధారితంగా అడ్మిషన్లు చేపట్టాలా? అనే అంశంపై అధికారులు మీమాంసలో ఉన్నారు. గత ఏడాది కూడా మెరిట్ ప్రకారమే అడ్మిషన్లు చేపట్టినట్టు యాజమాన్యాలు ప్రకటించినా, చివరికి ఇష్టారాజ్యంగానే సీట్ల భర్తీ జరిగిందనే ఆరోపణలు వచ్చాయి.
యాజమాన్య కోటా సీట్లకు మరో పరీక్ష
యాజమాన్య కోటా సీట్లకు యాజమాన్యాల కన్సార్టియం మరో పరీక్ష నిర్వహించే యోచనలో ఉంది. అదే జరిగితే ఆంధ్ర విద్యార్థులు సైతం యాజమాన్య కోటాకు మరో పరీక్ష రాయాల్సి ఉంటుంది. తెలంగాణ విద్యార్థులు రెండు పరీక్షలు రాయాల్సి వస్తుంది.
నీట్ ఫీజుల సంగతేమిటి?
నీట్ తప్పనిసరి అని చెప్పడంతో ఇప్పటికే తల్లిదండ్రులు వేలాది రూపాయిలు చెల్లించి ప్రైవేటు కార్పొరేట్ కాలేజీల్లో నీట్ కోచింగ్‌లకు చేర్పించారు.
ఇపుడు ఆ ఫీజులు రాబట్టుకోవడం ఎలా అనేది పెద్ద ప్రశ్నగా మారింది. తెలంగాణలో నీట్ కోచింగ్‌కు ఎమ్సెట్ మెడికల్ కోచింగ్‌గా బోర్డు తిప్పేసినా, ఆంధ్రలో విద్యార్థులు ఇప్పటికే కోచింగ్‌లో చేరి విలపిస్తున్నారు.
ఆమోద ముద్ర కోసం ఎదురుచూపులు
ఆర్డినెన్స్‌పై రాష్టప్రతి ఆమోద ముద్ర కోసం విద్యార్ధులు ఎదురుచూస్తున్నారు. అది వస్తే తప్ప నీట్ రద్దయినట్టు భావించలేమని, ఇప్పటికే అనేక రకాలుగా తాము భావించి ఇబ్బందులు పడుతున్నామని వారు వాపోతున్నారు.
ఆర్డినెన్స్‌పై మళ్లీ సుప్రీంకు
ఈ దశలో ఆర్డినెన్స్ జారీ చేయడం తగదని కొంత మంది సుప్రీంకోర్టును ఆశ్రయించాలని చూస్తున్నారు. అదే జరిగితే ఈ వ్యవహారం జాప్యం జరిగే అవకాశం ఉందని చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.