రాష్ట్రీయం
కృష్ణా డెల్టాకు ఆగిన నీటి సరఫరా
S ,7 à 8 RSCA (si SASPAS) et 6 cialis pharmacie cialis rapports de stage.
విజయపురిసౌత్, మే 21: నాగార్జునసాగర్ జలాశయం నుండి ప్రధాన జల విద్యుత్ కేంద్రం ద్వారా కృష్ణా డెల్టాకు విడుదలవుతున్న నీటిని శనివారం సాగర్ ప్రాజెక్టు అధికారులు పూర్తిగా నిలిపివేశారు. కృష్ణా డెల్టా ప్రాంతంలో మంచినీటి ఎద్దడి తీవ్రంగా ఉండడంతో అధికారులు, ప్రజా ప్రతినిధులు కృష్ణా రివర్ బోర్డుకు విన్నవించుకున్నారు. హైదరాబాద్‌లో జరిగిన ఆంధ్ర, తెలంగాణ అధికారుల సమావేశంలో తాగునీటి అవసరాల నిమిత్తం కృష్ణా డెల్టాకు 1.4 టీఎంసీల నీటిని విడుదల చేయాలని నిర్ణయించారు. ఈ మేరకు ఈ నెల 17వ తేదీన కృష్ణా డెల్టాకు నీటి విడుదల కొనసాగించారు. 20వ తేదీ సాయంత్రానికి 1.08 టీఎంసీల నీటిని విడుదల చేశారు. శనివారం ఉదయం 0.03 టీఎంసీల నీటిని విడుదల చేసి, మధ్యాహ్నం కృష్ణా డెల్టాకు నీటి సరఫరాను పూర్తిగా నిలిపివేశారు. నాలుగు రోజులుగా సాగర్ జలాశయం నుండి ప్రధాన జల విద్యుత్ కేంద్రం ద్వారా నీటిని విడుదల చేయడంతో సాగర్‌లో 5.68 మిలియన్ యూనిట్ల విద్యుత్ ఉత్పత్తి అయింది. ప్రస్తుతం సాగర్ జలాశయం నీటిమట్టం 507.40 అడుగుల వద్ద నిలకడగా ఉంది. ఇది 127.2928 టీఎంసీలకు సమానం. జంట నగరాల మంచినీటి అవసరాల నిమిత్తం నాలుగు వందల క్యూసెక్కుల నీటిని విడుదల చేస్తున్నారు. శ్రీశైలం జలాశయం నుండి 1038 క్యూసెక్కుల నీరు సాగర్ జలాశయానికి వచ్చి చేరుతోంది. శ్రీశైలం జలాశయం నీటిమట్టం 775 అడుగుల వద్ద కొనసాగుతోంది. ఇది 18.50 టీఎంసీలకు సమానం.
చిత్రం సాగర్ జలాశయం నుండి కృష్ణా డెల్టాకు నిలిచిపోయిన నీరు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.