రాష్ట్రీయం
టూరిస్టు ప్రధాని మోదీ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మే 28: రెండేళ్ళలో ప్రధాని నరేంద్ర మోదీ టూరిస్టు ప్రధానిగా మారారని కాంగ్రెస్ సీనియర్ నాయకుడు, లోక్‌సభలో ప్రతిపక్ష నేత మల్లికార్జున ఖర్గే విమర్శించారు. దేశమంతా కరవు విలయతాండవం చేస్తుంటే బిజెపి నాయకులు, కార్యకర్తలు రెండేళ్ళ సంబరాలు ఎందుకు చేసుకుంటున్నారో అర్థం కావడం లేదని అన్నారు. బిజెపి చేపట్టిన వికాస్ పర్వ్‌కు వ్యతిరేకంగా కాంగ్రెస్ వినాశ్ పర్వ్ చేపట్టిన సంగతి తెలిసిందే. ఇందులో భాగంగా ఎఐసిసి ముఖ్య నాయకులు దేశ వ్యాప్తంగా పర్యటిస్తున్నారు. ఈ మేరకు శనివారం మల్లిఖార్జున ఖర్గే హైదరాబాద్‌లోని గాంధీ భవన్‌కు చేరుకుని పార్టీ ముఖ్యులతో సమావేశమై చర్చలు జరిపారు.
అనంతరం ఖర్గే మీడియాతో మాట్లాడుతూ ప్రధాని మోదీ ప్రభుత్వంపై విరుచుకుపడ్డారు. మోదీ ప్రధాని అయిన తర్వాత పాలనపై దృష్టి సారించలేదని, ప్రపంచాన్ని చుట్టి రావాలన్న కోరిక కనిపిస్తున్నదని ఆయన విమర్శించారు. సార్వత్రిక ఎన్నికలకు ముందు అధికారంలోకి వస్తే సంవత్సరానికి కోటి ఉద్యోగాలు కల్పిస్తామని ఇచ్చిన హామీని నిలబెట్టుకోలేదని ఆయన మండిపడ్డారు. రెండేళ్ళలో రెండు కోట్ల ఉద్యోగాలు ఎందుకు కల్పించలేదని ఆయన ప్రశ్నించారు. దేశంలో ఆహార ఉత్పత్తులు తగ్గుతున్నా, ధరలు ఆకాశాన్ని అంటుతున్నా కేంద్ర ప్రభుత్వం పట్టించుకోవడం లేదని ఆయన విమర్శించారు. కరవు నివారణ చర్యలు చేపట్టడంలో కేంద్రం విఫలమైందని ఆయన దుయ్యబట్టారు. మరోవైపు రాష్ట్రాలను ఆదుకోవాలన్న ఆలోచనే కేంద్రానికి లేదని ఖర్గే విమర్శించారు. రాష్ట్రాలకు వాటాను 65 శాతం పెంచామని చెబుతూనే, రాష్ట్రాలలో కేంద్ర ప్రభుత్వ పథకాలకు గండి కొడుతున్నారని అన్నారు.
గ్రామీణ ఉపాధి హామీ పథకాన్ని నీరుగార్చారని, లోగడ కాంగ్రెస్ నేతృత్వంలోని యుపిఎ చేపట్టిన పథకాలన్నింటినీ పేర్లు మార్చడమో, నీరుగార్చడమో చేశారని ఆయన విమర్శించారు.
60 ఏళ్ళలో కాంగ్రెస్ అధికారంలో ఉన్నప్పుడు ఏమి చేసిందో ప్రజలకు తెలుసునని ఆయన ఒక ప్రశ్నకు సమాధానంగా చెప్పారు. మోదీ రెండేళ్ళలో చేసింది ఏమీ లేదని, ప్రపంచాన్ని చూసి రావాలన్న తపన తప్ప అని ఖర్గే విమర్శించారు. ఇలాఉండగా గాంధీ భవన్‌కు వచ్చిన ఖర్గేకు సిఎల్‌పి నేత కె.జానారెడ్డి, టి.పిసిసి వర్కింగ్ ప్రెసిడెంట్ మల్లు భట్టివిక్రమార్క, విహెచ్ ఇతర నాయకులు ఘనంగా స్వాగతం పలికారు.
చిత్రం హైదరాబాద్ గాంధీ భవన్‌లో శనివారం మీడియాతో మాట్లాడుతున్నలోక్‌సభ ప్రతిపక్ష నేత మల్లికార్జున ఖర్గే. చిత్రంలో జానారెడ్డి, షబ్బీర్ అలీ, గీతారెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.