రాష్ట్రీయం
అక్షర యోధుడికి సర్కారు అండ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 12: ‘తెలంగాణ అక్షర యోధుడు’ శీర్షికన ఆంధ్రభూమి దినపత్రికలో ఆదివారం ప్రచురితమైన కథనంపై సిఎం కె చంద్రశేఖర్‌రావు స్పందించారు. తెలంగాణ ఉద్యమానికి అక్షరాయుధాలు అందించిన కెఎల్ రెడ్డి తీరని పేదరికంతో బతుకు పోరాటం చేస్తున్నారు. మరోపక్క వృద్ధ్యాపంలో సంక్రమించిన పార్కిసన్స్ వ్యాధితో ఇబ్బంది పడుతున్నారు. కథనంతో విషయం తెలుసుకున్న ముఖ్యమంత్రి కెసిఆర్ స్పందించారు. ప్రభుత్వ సాయంతో చికిత్స అందించేందుకు హామీ ఇస్తూనే, ఆర్థిక సాయం అందిస్తామని ప్రకటించారు. ఆంధ్రభూమిలో కెఎల్ రెడ్డిపై వచ్చిన వ్యాసాన్ని చదవిన వెంటనే, ఆయన ఎక్కడ ఉంటున్నారో ఆరా తీసి తన వద్దకు తీసుకొని రావాలని సిఎం కార్యదర్శి రాజశేఖర్‌రెడ్డిని కెసిఆర్ ఆదేశించారు. వ్యాసంలో ప్రచురించిన ఫోన్ నెంబర్ ఆధారంగా కెఎల్ రెడ్డితో రాజశేఖర్‌రెడ్డి స్వయంగా మాట్లాడి సోమవారం సిఎం వద్దకు తీసుకెళ్తానని చెప్పారు. సిఎం కార్యాలయం నుంచి తనకు ఫోన్ వచ్చిన సమయంలో తన సోదరుని ఇంటిలో ఉన్నానని కెఎల్ రెడ్డి ఆంధ్రభూమి ప్రతినిధికి చెప్పారు. తనకు వచ్చిన పార్కిన్‌సన్స్ వ్యాధికి చికిత్స చేయించుకోవడానికి బంధువులు తలాకొంత ఆర్థిక సాయం చేయాలని అడగటానికి సోదరుని ఇంటికి వెళ్లినట్టు చెప్పారు. ఆ సమయంలోనే సిఎం కార్యదర్శి నుంచి తనకు ఫోన్ వచ్చిందన్నారు. తనకు సిఎం చేయబోయే ఆర్థిక సాయంపై ఆశ లేదని, అయితే నెలకు 10వేలు పెన్షన్ వచ్చేలా చేయడంతోపాటు, చికిత్స చేయిస్తే అదే పెద్దమేలని కెఎల్ రెడ్డి అన్నారు. ప్రభుత్వం నుంచి నెలనెలా పెన్షన్ వస్తే ప్రస్తుతం పోషణ కోసం చేస్తున్న ఉద్యోగం మానేసి మళ్లీ రచనా వ్యాసంగం చేపట్టాలని ఉందన్న ఆశాభావం వ్యక్తం చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.