రాష్ట్రీయం
ఆర్టీసీ మోత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 23: తెలంగాణలో రాష్ట్ర రోడ్డు రవాణ సంస్థ (ఆర్టీసీ) చార్జీలను పెంచింది. గురువారం సాయంత్రం క్యాంపు కార్యాలయంలో ముఖ్యమంత్రి కె.చంద్రశేఖర్ రావు, రోడ్డు రవాణశాఖ మంత్రి పి మహేందర్‌రెడ్డి, ఆర్టీసి చైర్మన్ సోమారపు సత్యనారాయణ, ఆర్టీసి జాయింట్ డైరెక్టర్ జెవి రమణరావు ధరల పెంపు ప్రతిపాదనలను సమీక్షించారు. ఆర్టీసి చార్జీల పెంపుపై ముఖ్యమంత్రి అంగీకరించారు. ఆ తరువాత కాసేపటికి సచివాలయంలో మంత్రి మహేందర్‌రెడ్డి పెంచిన చార్జీలను ప్రకటించారు. పెరిగిన ఈ చార్జీలు ఈనెల 27వ తేదీ నుంచి అమల్లోకి వస్తాయని ఆయన వెల్లడించారు. పెరిగిన డీజిల్ ధరలు, నిర్వహణ వ్యయాన్ని దృష్టిలో పెట్టుకొని చార్జీలు పెంచక తప్పలేదని స్పష్టం చేశారు. పల్లెవెలుగు బస్సుల్లో 30 కిలోమీటర్ల లోపు రూ. 1, ఆపైన ప్రయాణపు చార్జీ రూ. 2 పెంచామని, అలాగే మిగతా బస్సు సర్వీసులకు 10 శాతం చార్జీలు పెంచినట్టు మంత్రి వెల్లడించారు. పెరిగిన ఆర్టీసి చార్జీలతో ప్రజలపై రూ. 287 కోట్లు భారం పడుతున్నప్పటికీ ఆర్టీసి నష్టాల నుంచి కాస్త బయటపడుతుందన్నారు. దూరపు ప్రాంతాలకు ఏసి బస్సులు నడుపుతామని, ఎక్స్‌ప్రెస్ బస్సుల్లో కిలోమీటరుకు 87పైసలు, డీలక్స్ బస్సులకు 98 పైసలు, సూపర్ లగ్జరీకి రూ. 1.16, ఇంద్ర బస్సుల్లో రూ. 1.46, గరుడ బస్సుల్లో రూ. 1.75, గరుడ ప్లస్ బస్సులో కి.మీ. రూ. 1.82లు, అలాగే సీటీ సర్వీసులపైనా పది శాతం చార్జీలు పెంచినట్టు మంత్రి వెల్లడించారు. రాష్ట్రంలో బస్సు సౌకర్యం లేని గ్రామాలకు బస్సులు నడిపేందుకు చర్యలు తీసుకుంటున్నామని, కొత్తగా 1200 బస్సులు కొనుగోలు చేసేందుకు ఆర్టీసి నిర్ణయించిందని మంత్రి పేర్కొన్నారు. ఆర్టీసి అనివార్య పరిస్థితుల్లో చార్జీలు పెంచిందని, నిరుడు 2015-16లో రూ. 701 కోట్లు నష్టం రాగా, సంస్థకు రూ. 2,275 కోట్లు అప్పులున్నాయని, రోజుకు దాదాపు 2కోట్లు నష్టం వాటిల్లిందని మంత్రి వివరించారు. దేశంలోని ఇతర రాష్ట్రాలతో పోలిస్తే తెలంగాణలోనే తక్కువ చార్జీలు ఉన్నాయని మంత్రి మహేందర్ రెడ్డి వివరించారు. 2013లో ఉమ్మడి ఆంధ్రప్రదేశ్‌లో చివరిసారి చార్జీలు పెరిగాయి. తెలంగాణ ఏర్పడిన తరువాత టిఆరెస్ ప్రభుత్వం తొలిసారి చార్జీలను పెంచింది.
**
సర్వీసు పాతచార్జి కొత్త చార్జి
(కి.మీ.కు) (కి.మీ.కు)
ఎక్స్‌ప్రెస్ 79 పైసలు 87 పైసలు
డీలక్స్ 89 పైసలు 98 పైసలు
సూపర్ లగ్జరీ 105 పైసలు 116పైసలు
ఇంద్ర 132 పైసలు 145 పైసలు
గరుడ 155 పైసలు 171 పైసలు
గరుడ+ 165 పైసలు 182 పైసలు
పల్లెవెలుగు:
30 కిలోమీటర్ల వరకు(6స్టేజీల వరకు)
రూ.1 పెంపు
30 కిలోమీటర్ల పైన రూ. 2 పెంపు
ఎక్స్‌ప్రెస్ సర్వీసులు 10శాతం పెంపు
***
చిత్రం ఆర్టీసీ చార్జీల పెంపుదలను ప్రకటిస్తున్న మంత్రి మహేందర్‌రెడ్డి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.