రాష్ట్రీయం
రాజ్‌భవన్‌లో ఇఫ్తార్ విందు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూన్ 24: రంజాన్ మాసాన్ని పురస్కరించుకొని శుక్రవారం సాయంత్రం రాజ్‌భవన్‌లో ముస్లిం సోదరులకు గవర్నర్ ఇఎస్‌ఎల్ నరసింహన్ ఇఫ్తార్ విందు ఇచ్చారు. తెలంగాణ ముఖ్యమంత్రి కె. చంద్రశేఖర్‌రావుతో పాటు కేంద్ర మంత్రి బండారు దత్తాత్రేయ, ఉప ముఖ్యమంత్రి మహమూద్ అలీ, శాసనసభ స్పీకర్ సిరికొండ మధుసూదనాచారి, శాసన మండలిలో ప్రతిపక్ష నాయకుడు షబ్బీర్ అలీ తదితరులు హాజరయ్యారు. ఈ విందుకు ఆంధ్రప్రదేశ్ తరఫున ఉప ముఖ్యమంత్రి కెఇ కృష్ణామూర్తి, మంత్రి అచ్చెన్నాయుడు, శాసనమండలి చైర్మన్ చక్రపాణి తదితరులు హాజరయ్యారు. అయితే ఈ విందుకు ఆంధ్రప్రదేశ్ ముఖ్యమంత్రి చంద్రబాబు నాయుడు కూడా రావాల్సి ఉండగా, ఆయన గైర్హాజర్ అయ్యారు. చంద్రబాబు రాకపోవడానికి విజయవాడలో మంత్రిమండలి సమావేశం, ఇఫ్తార్ విందు ఉండటమే కారణమని గవర్నర్ నరసింహన్ వివరించారు. ప్రస్తుతం ఇరు రాష్ట్రాల మధ్య కొనసాగుతున్న జలవివాదాలను పరిష్కరించడానికి జోక్యం చేసుకుంటారా? అని మీడియా ప్రతినిధులు గవర్నర్‌ను ప్రశ్నించగా, తాను కచ్చితంగా ప్రొటోకాల్‌ను పాటించేవాడినంటూ సమాధానం దాట వేశారు. ఈ సందర్భంగా గవర్నర్ మాట్లాడుతూ ఇఫ్తార్ శుభాకాంక్షలు తెలిపారు. ఇరు రాష్ట్రాల ప్రజలు సుభిక్షంగా ఉండాలని, అన్ని మతాల వారు సుహృద్భావంతో మెలగాలని గవర్నర్ ఆకాంక్షించారు.
chitram... రంజాన్ పురస్కరించుకొని శుక్రవారం సాయంత్రం రాజ్‌భవన్‌లో ముస్లింలకు ఇచ్చిన ఇఫ్తార్ విందులో మాట్లాడుతున్న నరసింహన్. హాజరైన సిఎం కెసిఆర్, కేంద్ర మంత్రి దత్తాత్రేయ
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.