తెలంగాణ
మ్యాన్‌హోల్‌కు బలైపోయాడు!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ గచ్చిబౌలి, జూన్ 26: కాంట్రాక్టర్ నిర్లక్ష్యానికి నిండు ప్రాణం బలైంది. అండర్ గ్రౌండ్ డ్రైనేజీ పనులు చేయిస్తున్న కాంట్రాక్టర్ రోడ్డు మధ్య గుంత తవ్వి విడిచి పెట్టడంతో, ప్రమాదవశాత్తూ అందులో పడిన వ్యక్తి మృతి చెందిన సంఘటన మాదాపూర్ పోలీస్ స్టేషన్ పరిధిలో చోటుచేసుకుంది. జార్ఖండ్ రాష్ట్రానికి చెందిన మోతి యాదవ్ (24) మాదాపూర్‌లోని నైట్ బజార్‌లో రాక్ ఇన్ గ్రిల్ హోటల్ మాస్టర్‌గా పని చేస్తున్నాడు. శనివారం రాత్రి విధులు ముగించుకొని ఇంటికి వెళ్తుండగా మ్యాన్‌హోల్‌లో పడి మృతిచెందాడు. మాదాపూర్‌లోని కాసాని జిఆర్ హోటల్ సమీపంలో మెట్రో వాటర్ వర్క్స్ అధికారులు నిర్మిస్తున్న అండర్ గ్రౌండ్ డ్రైనేజీ కోసం రోడ్డు తవ్వారు. సాయంత్రం భారీ వర్షం కురియడంతో రోడ్డు మధ్యలో గుంతలు నీటితో కనిపించకుండా పోయాయి. ఆ గుంతలో ఆటో ఇరుక్కుపోవడంతో మోతి యాదవ్ ఆటోను బయటకు నెట్టాడు. ఆటో వెళ్లిపోయిన అనంతరం రోడ్డు దాటుతున్న క్రమంలో అండర్ గ్రౌండ్ డ్రైనేజీ కోసం తవ్విన మ్యాన్‌హోల్‌లో పడిపోయాడు. అక్కడ అండర్ గ్రౌండ్ విద్యుత్ సరఫరా ఉండటంతో విద్యుదాఘాతానికి గురై అక్కడికక్కడే మృతి చెందాడు. కాంట్రాక్టర్ నిర్లక్ష్యం కారణంగానే మోతి యాదవ్ మృతి చెందాడని స్థానికులు ఆందోళనకు దిగారు. కేసు నమోదు చేసుకొని దర్యాప్తు జరుపుతున్నట్టు మాదాపూర్ పోలీసులు తెలిపారు.
Related Articles
హైదరాబాద్, ఏప్రిల్ 13: కరోనా పై కేంద్ర, రాష్ట్రప్రభుత్వాల వైఫల్యంపై అఖిల పక్ష సమావేశాన్ని నిర్వహించాలని టీపీసీసీ నిర్ణయించింది. ఈ వివరాలను టీపీసీసీ అధ్యక్షుడు ఉత్తమ్‌కుమార్ రెడ్డి ప్రకటించారు. అన్నపూర్ణ కేంద్రాలపై సమాచారం ఇవ్వాలని రాష్ట్రప్రభుత్వాన్ని కోరారు.
హైదరాబాద్, ఏప్రిల్ 13: జాతీయ , రాష్ట్ర స్థాయి ప్రవేశపరీక్షలన్నీ వాయిదా పడ్డాయి. ఆంధ్రప్రదేశ్, తెలంగాణ రాష్ట్రాలు అన్ని ప్రవేశపరీక్షలను వాయిదా వేశాయి.
హైదరాబాద్, ఏప్రిల్ 13: కరోనా ఎఫెక్ట్ నేపథ్యంతో లాక్‌డౌన్ అమలు జరుగుతున్నందున గత సంవత్సరం మార్చి నెల బిల్లులనే ఈ ఏప్రిల్‌లో చెల్లించాలని విద్యుత్ శాఖ మంత్రి జగదీష్‌రెడ్డి స్పష్టం చేశారు.
హైదరాబాద్, ఏప్రిల్ 13:కరోనా వ్యాధి బాధితుల కోసం సికింద్రాబాద్ రైల్వే ఆసుపత్రిలో 142 ఐసోలేషన్ పడకలను ఏర్పాటు చేశారు. కరోనా వ్యాధి సోకిన వ్యక్తులకు మెరుగైన వైద్య సౌకర్యం అందించడానికి రైల్వే అధికారులు యుద్ధ ప్రాతిపధికన ఐసోలేషన్ పడకలను సిద్ధం చేశారు.
నేరేడుచర్ల, ఏప్రిల్ 13: నేరేడుచర్ల నుండి నిజాముద్దీన్ మర్కజ్ జమాత్‌కు వెళ్లి వచ్చిన వ్యక్తికి కరోనా వైరస్ సోకడంతో రెడ్‌జోన్ ప్రకటించిన ప్రాంతంలో పటిష్టంగా భద్రతా చర్యలు తీసుకుంటూ మిగిలిన ప్రాంతంలో అధికారులు లాక్‌డౌన్‌ను కట్టుదిట్టంగా అమలు చేస్తున్నారు.