రాష్ట్రీయం
నేడు ఢిల్లీకి సిఎం కెసిఆర్
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 14: రాష్ట్రాల మధ్య సంబంధాలు, అంతర్గత భద్రత, సామాజిక, ఆర్థికాభివృద్ధిపై ప్రణాళికలు తదితర అంశాలపై ప్రధాని నరేంద్ర మోదీ అధ్యక్షతన 16న జరుగనున్న ఇంటర్ స్టేట్ కౌన్సిల్ సమావేశంలో పాల్గొనడానికి సిఎం కెసిఆర్ శుక్రవారం సాయంత్రం ఢిల్లీ వెళ్తున్నారు. ఇంటర్ స్టేట్ కౌన్సిల్ సమావేశం అనంతరం శనివారం ప్రధానితో సిఎం ప్రత్యేకంగా భేటీ కానున్నట్టు అధికార వర్గాల సమాచారం. ఢిల్లీ పర్యటనలో ప్రధాని దృష్టికి తీసుకొచ్చే అంశాలను గురువారం సాయంత్రం రాజ్‌భవన్‌కు వెళ్లి గవర్నర్ ఇఎస్‌ఎల్ నరసింహన్‌కు కెసిఆర్ వివరించారు. హైకోర్టు విభజన, న్యాయాధికారుల కేటాయింపునకై రాష్ట్రంలో ప్రస్తుతం కొనసాగుతున్న ఆందోళనను ప్రధాని దృష్టికి సిఎం తీసుకెళ్లనున్నట్టు తెలిసింది.
అలాగే ఆంధ్రప్రదేశ్, తెలంగాణ ఇరు రాష్ట్రాల మధ్య కృష్ణా జలాల కేటాయింపులో జరుగుతున్న వివాదంతోపాటు ఈ నెల మూడవ వారంలో మహారాష్ట్ర ప్రభుత్వంతో గోదావరిపై నిర్మించబోయే ప్రాజెక్టులపై తెలంగాణ ప్రభుత్వం కుదుర్చుకోనున్న ఒప్పందాలను కూడా ప్రధానికి సూచనప్రాయంగా వెల్లడిస్తారని తెలిసింది. అలాగే విభజన చట్టం ప్రకారం రాష్ట్రంలో 4 వేల మెగావాట్ల విద్యుదుత్పత్తి కేంద్రాల నెలకొల్పుతామని ఇచ్చిన హామీని నెరవేర్చాలని ప్రధానిని ముఖ్యమంత్రి కోరనున్నారని తెలిసింది. ప్రభుత్వ ప్రధాన కార్యదర్శి రాజీవ్ శర్మ పదవీ కాలాన్ని మరో మూడు నెలల పాటు పొడిగించాలని ప్రధానిని కోరనున్నారని తెలిసింది. ఇప్పటికే ఈ అంశంపై ప్రధాన మంత్రికి ముఖ్యమంత్రి లేఖ రాసిన విషయం తెలిసిందే. గతంలో కూడా ప్రధాన మంత్రిని స్వయంగా కోరిన తర్వాతనే రాజీవ్ శర్మ పదవీకాలాన్ని కేంద్రం మూడు నెలలు పొడిగించింది. అలాగే మరోసారి మూడు నెలల పాటు పదవీకాలాన్ని పెంచాలని ముఖ్యమంత్రి విజ్ఞప్తి చేయనున్నారని తెలిసింది.
ఢిల్లీలో ఆంధ్రప్రదేశ్ ఆధీనంలో ఉన్న ఎపి భవన్ స్థలాన్ని తమకే పూర్తిగా కేటాయించాలని కోరుతూ కేంద్రానికి ముఖ్యమంత్రి లేఖ రాసిన విషయం తెలిసిందే. ప్రధాన మంత్రితో జరిగే భేటీలో ఈ అంశాన్ని ముఖ్యమంత్రి ప్రస్తావించనున్నారని తెలిసింది.
చిత్రం.. ఢిల్లీ పర్యటనకు ముందు వివిధ అంశాలపై చర్చించేందుకు గవర్నర్‌ను కలిసిన సిఎం కెసిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.