రాష్ట్రీయం
దైవశక్తితో కూడిన మంత్రోపాసనతో శరీరంలోని నాడులకు ప్రేరణ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 16: నోరి నరసింహ శాస్ర్తీ గ్రంథాలను ధర్మంకోసం రాశారని, ఆ గ్రంథాలు చదవడం ద్వారా శరీరంలోని నాడులకు ప్రేరణ కలిగి శక్తి చేకూరుస్తుందని పుష్పగిరి శంకరాచార్యులు విద్యాశంకర భారతీస్వామి అన్నారు. నోరి నరసింహశాస్ర్తీ చారిటబుల్ ట్రస్టు ఆధ్వర్యంలో శనివారం సాయంత్రం ఇక్కడి త్యాగరాయ గానసభలో జరిగిన గురుపౌర్ణమి మెహోత్సవంలో గురు పురస్కారాల ప్రదాన కార్యక్రమంలో స్వామీజీ విశిష్ట అతిథిగా పాల్గొన్నారు. ఈ సందర్భంగా ఆయన మాట్లాడుతూ గొప్పవారిని సత్కరించడం మన సంస్కృతి గొప్పతనమని ధర్మ ప్రచారం కోసం కృషి చేస్తున్న వారిని సత్కరించడం మనల్ని మనం గౌరవించుకోవడమని అన్నారు. ఇటువంటి కార్యక్రమాలు భారతదేశ సంస్కృతికి అలంకారమవుతాయని, వాక్కు ధర్మంకోసం ఉపయోగించే అస్త్రంగా ఉండాలని స్వామీజీ అన్నారు. నోరి నరసింహశాస్ర్తీ గ్రంథాలు చాలావరకు తాను చదివానని ఆయన విజ్ఞాన తపస్సుతో ఆ గ్రంథాలు రాయగలిగారని అన్నారు.
కార్యక్రమంలో ముఖ్య అతిథిగా పాల్గొన్న హైదరాబాద్ హైకోర్టు న్యాయమూర్తి జస్టిస్ ఎ రామలింగేశ్వరరరావు మాట్లాడుతూ నోరి గ్రంథాల పఠనంతో విజ్ఞానం పెరుగుతుందని అన్నారు. ఈ కార్యక్రమంలో వేదవ్యాస పురస్కారాన్ని డాక్టర్ మల్లవరపు వెంకట రమణశర్మకు, జగద్గురు కల్యాణానంద భారతీమాతాచార్య మహాస్వామి పురస్కారాన్ని దువ్వూరి సుబ్బలక్ష్మికి, సుశ్రుత వైద్య పురస్కారాన్ని డాక్టర్ పన్నాల కృష్ణ సుబ్రహ్మణ్యంకు, కవి సామ్రాట్ నోరి నరసింహశాస్ర్తీ పురస్కారాన్ని పాలకుర్తి రామమూర్తికి విశ్వకర్మ పురస్కారాన్ని సుద్దాల సుధాకర్ తేజకు, చిర్రాపురి విజ్ఞేశ్వర చింతామణి పత్రిక పురస్కారాన్ని మరుమాముల వెంకట రమణశర్మకు, సర్వేపల్లి రాధాకృష్ణన్ లౌకిక గురుపురస్కారాన్ని గీతాశర్మకు, కళాసుబ్బారావు పురస్కారాన్ని డాక్టర్ నండూరి గోవిందరావుకు ప్రదానం చేసి, శాలువాతో సత్కరించారు. ఈ కార్యక్రమంలో అక్షర దర్శనం, కల్యాణ వ్యాస చంద్రిక, కల్యాణ లీలలు, అక్షర సమమ్నయం, అరుణము అగ్నిసూర్య సోమకలలు, భీజాక్షరాల రహస్యం గ్రంథాలను ఆవిష్కరించారు. ఈ కార్యక్రమానికి నోరి సుబ్రహ్మణ్యశాస్ర్తీ అధ్యక్షత వహించారు. ఈ కార్యక్రమంలో డాక్టర్ ముదిగొండ శివప్రసాద్, వారణాసి వెంకటేశ్వరరావు ప్రత్యేక అతిథులుగా పాల్గొన్నారు. తొలుత పిఎం గాంధీ వ్యాఖ్యానంలో పురస్కార గ్రహీతల సాహిత్య గొప్పతనాన్ని పద్యరూపంలో గానం చేశారు.
చిత్రం.. విద్యాశంకర భారతీస్వామితో గురుపౌర్ణమి పురస్కార గ్రహీతలు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.