రాష్ట్రీయం
సత్వర తీర్పులకు సాంకేతిక కోర్టులు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జూలై 17: న్యాయస్థానాల్లో వేగంగా తీర్పులిచ్చేందుకు ఈ-కోర్టు ఉపయోగపడుతుందని సుప్రీంకోర్టు న్యాయమూర్తి జస్టిస్ మదన్ బి లోకూర్ అభిప్రాయపడ్డారు. దేశంలో మొట్టమొదటి ఈ-కోర్టును హైదరాబాద్‌లోని ఉమ్మడి హైకోర్టులో ఆదివారం ప్రారంభించారు. సుప్రీంకోర్టులో ఈ-కమిటీకి లోకూర్ నాయకత్వం వహిస్తున్నారు. ఈ సందర్భంగా మాట్లాడుతూ ఈ-కోర్టుల వల్ల విచారణ వేగంగా జరుగుతుందని, అందువల్ల తీర్పులు కూడా వేగంగా వచ్చేందుకు అవకాశం కలుగుతుందన్నారు. తెలంగాణ, ఆంధ్రప్రదేశ్ రాష్ట్రాలు టెక్నాలజీ రంగంలో వేగంగా దూసుకెళ్తున్నాయని, అందువల్ల దేశంలో మొట్టమొదటి ఈ-కోర్టు ఇక్కడ ప్రారంభించేందుకు ఇదో కారణమని వివరించారు. ఈ-కోర్టువల్ల ‘సమీకృత నేర న్యాయ విధానం’ (ఇంటిగ్రేటెడ్ క్రిమినల్ జస్టిస్ సిస్టం-ఐసిజెఎస్) ప్రారంభించేందుకు వీలవుతోందన్నారు. కొత్త విధానంలో కోర్టులు, పోలీస్ స్టేషన్లు, జైళ్లు, ఫోరెన్సిక్ లాబోరేటరీలను సమీకృతం చేస్తూ కేసుల విచారణ చేపట్టేందుకు వీలవుతుందన్నారు. ఈ-కోర్టులో కాగితాల వాడకం ఉండదని, అంతా కంప్యూటర్లతోనే పని ఉంటుందన్నారు. ఇందుకు సంబంధించి నియమావళిని రూపొందించేందుకు ఈనెల 28న ప్రత్యేక సమావేశం ఏర్పాటు చేస్తున్నట్టు చెప్పారు. కేస్ మేనేజ్‌మెంట్ ఎలా ఉండాలో నియమావళి రూపొందిస్తున్నట్టు చెప్పారు. ఈ-కోర్టుల వల్ల కేసుల విచారణ త్వరగా పూర్తి చేసేందుకు వీలవుతుందని, తీర్పులు వేగంగా ఇచ్చేందుకు అవకాశం ఉంటుందన్నారు. హైదరాబాద్‌లో ఈ-కోర్టు ప్రారంభించడం పట్ల తనకు ఆనందంగా ఉందన్నారు. ఈ-కోర్టు విధానం అర్థం చేసుకునేందుకు కొంత సమయం పడుతుందని, తాను కూడా ఈ టెక్నాలజీని వినియోగించేందుకు ప్రయత్నిస్తున్నానని చెప్పారు. వాస్తవం చెప్పాలంటే ఈ-కోర్టులను ఉపయోగించడం స్నేహపూర్వకంగా ఉంటుందన్నారు. జడ్జిలంతా ఈ విధానంలో పనిచేసేందుకు ముందుకు రావాలని పిలుపునిచ్చారు. బార్ అసోసియేషన్ సహకారం పూర్తిగా కావాలని, న్యాయవాదులు కొత్త విధానాన్ని అందిపుచ్చుకోవాలని కోరారు. ఈ-కోర్టులో అవసరమైన సాంకేతిక నిపుణులను నియమించుకోవాలని, జడ్జీలు ఆన్‌లైన్‌లోనే వివరాలు నమోదు చేయాలన్నారు. వచ్చే వారంలో సుప్రీంకోర్టులోనూ ఈ-కోర్టు ప్రారంభించాలని భావిస్తున్నట్టు చెప్పారు. ఇక్కడ ప్రారంభించిన ఈ-కోర్టు తమకూ ఆదర్శంగా ఉంటుందన్నారు. హైదరాబాద్‌లోని హైకోర్టు ప్రధాన న్యాయమూర్తి చొరవవల్ల కంప్యూటరైజేషన్ కోసం గత మూడు నాలుగేళ్లలో భారీ మొత్తంలో నిధులు వెచ్చించామని జస్టిస్ లోకూర్ పేర్కొన్నారు. వీడియో కాన్పరెన్స్ విధానంలో విచారణ చేపట్టడం వల్ల కేసులకు సంబంధించిన ఖర్చు తగ్గుతుందని, ఈ విధానం మహారాష్టల్రో విజయవంతంగా కొనసాగుతోందని గుర్తు చేశారు. కేవలం ఆర్థికమైన అంశమే కాకుండా పోలీసు సిబ్బందిపై భారం తగ్గుతుందన్నారు. హైకోర్టులన్నింటినీ కంప్యూరైజ్ చేస్తున్నామని, అన్ని హైకోర్టుల్లో ఒకే విధానం ఉండేలా చూస్తున్నామన్నారు. హైకోర్టు ఇంచార్జి ప్రధాన న్యాయమూర్తి జస్టిస్ దిలీప్ బి బోసలే, హైకోర్టుకు చెందిన ఇతర జడ్జిలు కార్యక్రమంలో పాల్గొన్నారు. ఇదిలావుంటే, హైకోర్టులో కంప్యూటర్ కమిటీ సభ్యుల్లో ఒకరైన జస్టిస్ పి నవీన్‌రావు సోమవారం నుండి ఈ-కోర్టుకు నేతృత్వం వహిస్తారు.
చిత్రం...
ఉమ్మడి హైకోర్టులో ఈ-కోర్టు ప్రారంభోత్సవ కార్యక్రమంలో
జ్యోతి ప్రజ్వలన చేస్తున్న సుప్రీం కోర్టు న్యాయమూర్తి జస్టిస్ బి లోకూర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.