రాష్ట్రీయం
ఏపితో జల వివాదం లేదు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, జూలై 21: ఆంధ్రప్రదేశ్ ప్రభుత్వంతో తెలంగాణకు జల వివాదాలేమీ లేవని, అయితే ఆ రాష్ట్రానికి తెలియని విషయాలను చెప్తుంటే పట్టించుకోకుండా వివాదాలకు తావిస్తున్నారని రాష్ట్ర రోడ్లు, భవనాల శాఖ మంత్రి తుమ్మల నాగేశ్వరరావు పేర్కొన్నారు. ఆయన స్వగృహంలో గురువారం విలేఖరులతో మాట్లాడుతూ గోదావరి ఉప నదులైన ప్రాణహిత, ఇంద్రావతి నదులు తెలంగాణలోకి ప్రవేశించకముందు కొన్ని వందల కిలోమీటర్లు మహారాష్ట్ర ఏ ప్రాజెక్ట్‌ను కట్టే పరిస్థితి లేదని, దీంతో ఆ నదుల ద్వారా గోదావరిలోకి భారీగా నీరు వస్తోందన్నారు. భద్రాచలం దిగువన తెలంగాణ ఎన్ని ప్రాజెక్ట్‌లు కట్టినా, ఎన్ని ఎత్తిపోతల పథకాలు ఏర్పాటుచేసినా ఆంధ్రప్రదేశ్‌కు కేటాయించబడిన 80టిఎంసిల కంటే నీరు అదనంగానే వస్తుందన్నారు. కొన్ని వందల టిఎంసిల నీరు వృథాగా సముద్రంలో కలుస్తుందని, అలా కాకుండా తెలుగు రాష్ట్రాల్లో ఎవరికి అవసరమైనా వారు నీరు వాడుకుంటే బాగుంటుందన్నారు. కృష్ణా జల వివాదం విషయంలో తెలంగాణకు అనుకూలత ఉందన్నారు. అపెక్స్ కమిటీ నివేదికకు తాము కట్టుబడి ఉంటామని స్పష్టం చేశామన్నారు. కృష్ణా ఆయకట్టుకు పూర్తిగా నీరువచ్చే పరిస్థితి లేదని, అందుకే జీవనదిగా పేరున్న గోదావరి నీటిని కృష్ణా ఆయకట్టుకు తరలించేందుకు ఖమ్మం జిల్లాలో సీతారామ ప్రాజెక్ట్‌ను నిర్మిస్తున్నామన్నారు. కమీషన్ల కోసం కాంగ్రెస్ ప్రభుత్వం నిర్మించతలపెట్టిన దుమ్ముగూడెం, రుద్రంకోట ప్రాజెక్ట్‌లను తాము పట్టించుకోవటం లేదని, ఎప్పటికైనా అధికారంలోకి వస్తే కాంగ్రెస్ నేతలే కట్టుకోవచ్చని ఏద్దేవా చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.