రాష్ట్రీయం
అలసత్వం సహించను
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, జూలై 28: సెప్టెంబర్ నాటికల్లా అర్హులైన వారందరికీ రేషన్ కార్డులు పంపిణీ చేయాలని ముఖ్యమంత్రి చంద్రబాబు అధికారులను ఆదేశించారు. గురువారం మున్సిపల్ అధికారులతో వీడియో కాన్ఫరెన్స్ నిర్వహించిన చంద్రబాబు కంప్యూటరైజేషన్, ఆటోమేషన్‌తో మున్సిపల్ పాలనా వ్యవస్థలో సమూల మార్పులు తీసుకువచ్చామని చెప్పారు. రాష్ట్రంలోని 110 మున్సిపాలిటీలు, నగర పాలక సంస్థల్లో ప్రజా సేవలు మరింత మెరుగుపడాల్సిన అవసరం ఎంతో ఉందన్నారు. ఆన్‌లైన్ ద్వారా మరింత సమర్థవంతంగా, వేగవంతంగా ప్రజలకు సేవలు అందించాలన్నారు. రాష్ట్రంలోని మున్సిపాలిటీలు, కార్పొరేషన్లలో 1,648 కోట్లతో తలపెట్టిన 338 పనులు పురోగతి గురించి వాకబు చేశారు. మూడు నెలల్లో పనులు పూర్తి కావాలని, 15 రోజులకోసారి పనులను సమీక్షిస్తామని స్పష్టం చేశారు. అవసరమైతే డ్రోన్ సహాయంతో వర్చువల్ ఇన్‌స్పెక్షన్ చేస్తామని ఈ సందర్భంగా వెల్లడించారు. పనుల్లో నాణ్యత పాటించని కాంట్రాక్టర్లను బ్లాక్‌లిస్ట్‌లో పెడతామన్నారు. అక్టోబర్ రెండు నాటికి రాష్ట్రంలో బహిరంగ మల విసర్జన లేకుండా చేస్తామన్నారు. ఈ లక్ష్యంలో భాగంగా ఇంటికో మరుగుదొడ్డి కార్యక్రమం అమలును ముమ్మరం చేయాలని ఆదేశించారు. అర్హులైన 1,47,365 మందికి రేషన్‌కార్డుల పంపిణీని నిర్ణీత కాల గడువులోగా పూర్తి చేసి తీరాలన్నారు. గృహ నిర్మాణ కార్యక్రమంపైనా అధికారులకు దిశా నిర్దేశం చేశారు.రాష్ట్రంలో ఉద్యమంలా మొదలైన వనం-మనం కార్యక్రమం కింద ప్రతి మున్సిపాలిటీలో 10 లక్షల మొక్కలు నాటాలని చంద్రబాబు విజ్ఞప్తి చేశారు.పట్టణాల్లో కుక్కలు, పందులు, కోతుల బెడద లేకుండా చర్యలు తీసుకోవాలని అధికారులకు స్పష్టం చేశారు. ఈ నెల 30న పోలవరం ప్రాజెక్ట్ పనులను ప్రయోగాత్మంగా మీడియా సమక్షంలో వర్చువల్ ఇన్‌స్పెక్షన్ చేస్తామని సిఎం చెప్పారు.
చిత్రం.. విజయవాడలో గురువారం వీడియో కాన్ఫరెన్స్‌లో అధికారులతో మాట్లాడుతున్న చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.