రాష్ట్రీయం
నీటి ఎద్దడి తప్పదు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 20: కృష్ణా నదిలో శ్రీశైలం, నాగార్జునసాగర్ రిజర్వాయర్లలో నీరు అడగంటి డెడ్ స్టోరేజికి చేరుకోవడంతో వచ్చే వేసవిలో కృష్ణా, గుంటూరు, ప్రకాశం జిల్లాల్లో తీవ్రమైన నీటి ఎద్దడి తలెత్తే ప్రమాదం ఉందని, ముందస్తు చర్యలు తీసుకోవాలని రాష్ట్రప్రభుత్వం జిల్లా కలెక్టర్లను ఆదేశించింది. శ్రీశైలంలో ప్రస్తుతం 30 టిఎంసి నీరు మాత్రమే అందుబాటులో ఉంది. వచ్చే ఏడాది వర్షాకాలం వరకు రబీతోపాటు తాగునీటికి కనీసం వంద టిఎంసి నీరు అవసరమవుతాయి. కాని కృష్ణా నదిపై నిర్మించిన అన్ని ప్రాజెక్టులు నీరు లేక వెలవెలబోతున్నాయి. ఇదే పరిస్ధితి తెలంగాణలో నెలకొని ఉంది. కృష్ణా జలాలపై ఆధారపడి హైదరాబాద్, రంగారెడ్డి, నల్లగొండ జిల్లాల తాగునీటి అవసరాలు ఉన్నాయి. తాగునీటి అవసరాలపై ఇరు రాష్ట్రాలు ఇటీవల జరిగిన కృష్ణా బోర్డుకు నివేదికను సమర్పించాయి. కాని దీనిపై బోర్డు తుది నిర్ణయం తీసుకోలేదు. సాధారణంగా ఆగస్టు నెలలో రుతుపవనాలు విఫలమైనా అక్టోబర్, నవంబర్ నెలల్లో రుతుపవనాలకు కృష్ణా నదికి వరదలు వస్తాయి. ఈ ఏడాది రుతుపవనాలు రెండు దఫాలు విఫలంకావటంతో కృష్ణా నది పరివాహక ప్రాంతమంతా బోసిపోయి ఉంది. ఇప్పటికే కృష్ణా, గుంటూరు, ప్రకాశం జిల్లాల్లో అనేక పట్టణాల్లో తాగునీటి సరఫరా వ్యవస్ధను క్రమబద్ధీకరించారు. కృష్ణా బోర్డు సమావేశం జనవరి నెల మొదటి వారంలో జరగనుంది. జనవరి, మార్చి, మే నెలలకు కలిపి మొత్తం 30 టిఎంసి నీటిని నాగార్జునసాగర్ నుంచి విడుదల చేయాలని ఆంధ్రప్రదేశ్ కోరనుందని జలవనరుల శాఖ ఉన్నతాధికారి తెలిపారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.