రాష్ట్రీయం
స్పీకర్‌పై అవిశ్వాసం ప్రచారం కోసమైనా?
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 22: ఆంధ్ర ప్రదేశ్ రాష్ట్ర అసెంబ్లీ స్పీకర్ కోడెల శివప్రసాద రావుపై అవిశ్వాస తీర్మానం ప్రతిపాదించాలని వైఎస్సార్ కాంగ్రెస్ పార్టీ నిర్ణయం తీసుకున్నది. అసెంబ్లీలో తీర్మానం ఆమోదించుకునేంత బలం లేదని తెలిసినా ఆ పార్టీ ధైర్యం చేసింది. అందునా అసెంబ్లీ సమావేశాలు మంగళవారంతో నిరవధికంగా వాయిదా పడ్డాయి. ఇటీవల ఆ పార్టీ అధ్యక్షుడు, ప్రతిపక్ష నాయకుడు వైఎస్ జగన్మోహన్ రెడ్డి మీడియాతో మాట్లాడుతూ తమకు బలం లేదు కాబట్టి తీర్మానం ప్రవేశపెట్టినా గెలువలేం అని అంగీకరించారు. కాగా మంగళవారం ఆ పార్టీ శాసనసభాపక్షం సమావేశంలో స్పీకర్‌పై అవిశ్వాస తీర్మానానికి నోటీసు ఇవ్వాలనే నిర్ణయించారు. నోటీసు కూడా స్పీకర్‌కు ఇవ్వాల్సి ఉంటుంది. ఈ నోటీసు ఇవ్వడం ద్వారా ప్రచార ఆర్భాటం తప్ప ఉపయోగపడేది, జరిగేది ఏమీ ఉండదు. ఈ విషయం ఆ పార్టీకీ తెలుసు. ఇలాఉండగా వైఎస్సార్ కాంగ్రెస్ పార్టీ తీసుకున్న నిర్ణయం ఎంతవరకు కరెక్టు?, సమావేశాలు నిరవధికంగా వాయిదాపడిన తర్వాత నోటీసు ఇవ్వవచ్చా?, అలా ఇవ్వాలని నిర్ణయించి ఆ పార్టీ తప్పిదం చేయబోతుందా?..ఇలా అనేకానేక అనుమానాలు, సందేహాలు అన్ని పార్టీల నుంచి వెల్లువెత్తుతున్నాయి.
దీనిపై కొంత లోతుగా అధ్యయనం చేస్తే వైఎస్సార్ కాంగ్రెస్ పార్టీ అటు ప్రభుత్వాన్ని, ఇటు స్పీకర్‌ను ఇరకాటంలో పెట్టేందుకే ఈ వ్యూహ రచన చేసిందని స్పష్టమవుతున్నది. అసెంబ్లీ సమావేశాలు జరుగుతున్నప్పుడే స్పీకర్‌కు నోటీసు ఇవ్వాలన్న నియమం ఏమీ లేదు. ఎవరైనా ఒక సభ్యుడు ఎప్పుడైనా నోటీసు ఇవ్వవచ్చు. సదరు సభ్యుడు ఇచ్చిన నోటీసును స్పీకర్ 14 రోజుల తర్వాత సభలో ప్రవేశపెట్టాలి. ఆ తర్వాత సభ్యుల ఆమోదం తీసుకుని 10 రోజుల్లోగా సభలో చర్చ, ఓటింగ్ నిర్వహించాలి. అవిశ్వాస తీర్మానంపై చర్చ చేపట్టాలా? అనే అంశంపై స్పీకర్ సభ అభిప్రాయాన్ని కోరినప్పుడు 50కి తక్కువ కాకుండా సభ్యులు తమ మద్దతు ప్రకటించాలి. ఇప్పుడు వైఎస్సార్ కాంగ్రెస్ పార్టీ అన్నీ ఆలోచించే ప్రభుత్వాన్ని, స్పీకర్‌ను ఇరకాటంలో పెట్టేందుకు బుధవారం ఉదయం 10.30 గంటలకు స్పీకర్‌కు నోటీసు ఇచ్చే ఆలోచనలో ఉన్నది.కానీ ఈ లోగా అసెంబ్లీని గవర్నర్ ప్రొరోగ్ చేస్తే ఆ నోటీసును స్పీకర్ పరిశీలించాల్సిన అవసరం ఉండదు.అవిశ్వాస తీర్మానం ఎప్పుడైనా ఇవ్వవచ్చు. అయితే ఆ నోటీసు అన్ని విధాలా సక్రమంగా ఉందని స్పీకర్ భావిస్తేనే సభ ముందు పెడతారు. లేకపోతే తానే తిరస్కరించవచ్చు. ఇప్పుడు వైకాపా ఇచ్చే నోటీసుపై స్పీకర్ ఏ విధమైన నిర్ణయం తీసుకుంటారోనని అన్ని పార్టీలూ ఆసక్తిగా ఎదురు చూస్తున్నాయి.
31 వరకూ
డీసెట్ అడ్మిషన్లు
హైదరాబాద్, డిసెంబర్ 22: డీసెట్ రెండో విడత కౌనె్సలింగ్‌లో సీట్ల కేటాయింపు 24 నుండి 28 వరకూ చేపడతామని సెట్ కో కన్వీనర్ పి పార్వతి తెలిపారు. అభ్యర్ధులకు 29న కాలేజీలు కేటాయిస్తామని, సర్ట్ఫికేట్ల పరిశీలన 30న జరుగుతుందని చెప్పారు. అభ్యర్ధులు 31న సంబంధిత కాలేజీల్లో రిపోర్టు చేయాల్సి ఉంటుందని వివరించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.