రాష్ట్రీయం
పుస్తకమే జ్ఞానానికి పునాది
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 22: తెలుగు రాష్ట్రాలలోని ప్రతి పాఠశాలలో గ్రంథాలయాన్ని ఏర్పాటు చేసి పిల్లల్లో బాల్యం నుంచే పఠనాసక్తిని పెంపొందింపజేయాలని గవర్నర్ ఇఎల్‌ఎన్ నరసింహన్ స్పష్టం చేశారు. ఎన్టీఆర్ స్టేడియంలో జరుగుతున్న హైదరాబాద్ బుక్ ఫెయిర్‌ను మంగళవారం ఆయన సందర్శించారు. ఈ సందర్భంగా మాట్లాడుతూ పాఠశాల స్థాయి నుంచే పిల్లల్లో పఠనాసక్తి పెరిగే విధంగా పుస్తకాలను చదివించాలని సూచించారు. అందుకోసం ఓ ప్రత్యేక కార్యాచరణ రూపొందించుకోవాలని ఇరు రాష్ట్రాలకు చెందిన ఈటెల రాజేందర్, బుద్ధప్రసాద్‌లను కోరారు. ప్రపంచానికి భారత్ గొప్ప విజ్ఞానాన్ని అందించిందని, భారతీయులు ఎందులోనూ తక్కువ కాదని అన్నారు. దేశ చరిత్రను ప్రతి ఒక్కరూ తెలుసుకోవాలని, సంస్కృతి, సంప్రదాయాలను కాపాడుకోవాలన్నారు. కంప్యూటర్లు వద్దనడంలేదని కానీ పుస్తకమే జ్ఞానానికి పునాది గవర్నర్ తెలిపారు. తెలంగాణమంత్రి ఈటెల రాజేందర్ మాట్లాడుతూ సమాజంలో మార్పు పుస్తకాలతోనే సాధ్యమవుతుందన్నారు. విద్యార్థిగా ఉన్నప్పుడు తనను పుస్తకాలే కదిలించాయని, కదిలేది కదిలించేది..పెను నిద్దుర వదిలించేది.. మునుముందుకు నడిపించేది..కావాలోరుూ నవ కదనానికి అంటూ ఆయన శ్రీశ్రీ గీతాన్ని ఉటంకించారు. అసెంబ్లీ డిప్యూటీ స్పీకర్ బుద్ధ ప్రసాద్ మాట్లాడుతూ తాను పుస్తకాలతోనే జీవనయానం సాగిస్తున్నానన్నారు. పుస్తకాలు ఇచ్చిన చైతన్యమే సమాజాన్ని నడిపిస్తుందన్నారు. పుస్తక పఠనం అంటే తనకెంతో ప్రాణమన్నారు. సభకు అధ్యక్షత వహించిన బుక్ ఫెయిర్ అధ్యక్షుడు జూలూరు గౌరీశంకర్ మాట్లాడుతూ పుస్తకాలు చదువుకొని వచ్చిన నాయకులకు రియల్ ఎస్టేట్, ఆర్థిక దందాలతో ఎదిగొచ్చిన నాయకులకు ఎంతోతేడా ఉంటుందన్నారు.
chitram...
హైదరాబాద్‌లో జరుగుతున్న బుక్‌ఫెయర్‌లో మంగళవారం పాల్గొని పుస్తకాలను తిలకిస్తున్న గవర్నర్ నరసింహన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.